Emọs 7:14 - Edo Bible (E Baibol Ẹdo) Version 1996

¹⁴ Emọs keghi wanniẹn wẹẹ, “Mẹ i re egbe avbe akhasẹ ne ọ miẹn igho ye ne ọ na guan ẹmwẹ akhasẹ, ọsuohuan ọ re I khin, I vbe gbe aro ghe avbe erhan ohọ.

Emọs 7:14 ပူးပေါင်းရင်းမြစ်များ

I Ọba 19:19

Elaija ghi ladian, ọ keghi vba Elaisia gha ya oghẹn ẹmila gua, oghẹn owọrọ keghi kodaro ne irẹn, ne ọ ke odieke vbọ ọre ọ ghi ya gua. Elaija keghi ban agbada ẹwu ẹre, ọ na mu ẹẹn yọ Elaisia.

I Ọba 20:35

Zẹ vbene Nọyaẹnmwa gie, ọkpa vbe uwu ivbiotu akhasẹ keghi tama ogieva ẹre wẹẹ, “Fi mwẹ emwi.” Sokpan, ọ keghi he.

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

II Ọba 2:3

Otu akhasẹ ni rre evba na bu Elaisia gha khian, iran nọ rẹn wẹẹ. “U rẹnrẹn ighẹ e Nọyaẹnmwa gha rhie arowa a hin ehe ne u ye rre ẹrẹna ra?” Elaisia keghi wanniẹn wẹẹ, “I rẹnrẹn, wa ghẹ wogho ẹe.”

II Ọba 2:5

Otu akhasẹ ni rre evba keghi bu Elaisia gha khian, iran nọ rẹn wẹẹ, “U rẹnrẹn ighẹ e Nọyaẹnmwa gha rhie arowa a hin ehe ne u ye rre ẹre na?” Elaisia na wanniẹn wẹẹ, “I rẹnrẹn, wa ghẹ wogho ẹe.”

II Ọba 2:7

Ekigbe siyeha vbe uwu avbe akhasẹ keghi lele iran gha rrie Jọdan. Elaija kevbe Elaisia keghi yakọ vbe ọkpẹn ẹzẹ, avbe akhasẹ ekigbesiyeha nii keghi khian rrei kherhe ya mudia.

II Ọba 4:38

Ọ ghi sẹ ẹghẹ ọkpa vbe ukhunmwu wa gha fi vbe otọe nii hia, Elaisia keghi werriegbe gha die Gilgal. Ọ ghi ma ovbiotu akhasẹ ọkpa emwi, ọ keghi tama ọguọmwadia ẹre ne ọ mu ukodo ye erhẹn ya le uwọnmwẹ ne iran.

II Ọba 6:1

Ọ ghi sẹ ẹdẹ ọkpa, avbe ivbi otu akhasẹ ne Elaisia hẹ khian keghi do tu ma rẹ wẹẹ, “Ehe ne ima ye kanmwa gbe.

II Krọnikol 16:7

Vbe ẹghẹ nii, e Hanani ne akhasẹ keghi bu Asa ne ọba gha khian, ọ tama rẹn wẹẹ, “Rhunmwuda ne u na mu ẹtin ya ivbiyokuo e Siria vbe ne u gha na te mu ẹtin yan e Nọyaẹnmwa, ivbiyokuo ọba Izrẹl lẹ ruẹ fe nẹ.

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

II Krọnikol 20:34

Emwi ọvbehe hia fẹẹrẹ ne Jehosiafat ghi ru ke omuhẹn ọghe ne ọ ya vbe ẹkete ya sẹ ufomwẹ ọnrẹn, a gbẹnnẹ ọẹn ye Ebe Okha Ọghe Jehu ne ovbi e Hanani ne ọ vbe re eso vbe ebe Okha ọghe avbe Ọba Izrẹl.

Job 30:4

Iran vbọlọ ivbi erhan ato gha re, uhin ya sẹ egbe erhan owẹ ne ẹ i mwẹ omiẹnmiẹn,

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Zẹkaraia 13:5

Ye ihe ọnii, ẹmwẹ ne ọ ra ta ọrọre wẹẹ, ‘I i re akhasẹ, ọwẹe ọre I khin, ugbo ọre I gbe ke ne a biẹ mwẹ gha dee.’

I Kọrinti 1:27

Sokpan te Osanobua wa yan ru ẹe wẹ, ne irẹn hannọ emwi ne agbọn tie ẹre akpa, ne ọ miẹn ehe na ya ekhue mu avbe umẹwaẹn.

I Samuẹl 10:11

Emwa ni ka rẹn ọnrẹn yi ghi miẹn ọẹn vbe ọ ru emwi vberriọ, iran kegha nọ egbe wẹẹ, “Vbọ ghi rruan ovbi e Kis yi? E Sọl vbe khian akhasẹ nẹ ra?”