Emọs 7:13 - Edo Bible (E Baibol Ẹdo) Version 1996

¹³ Gie iran gha ha ruẹ osa yọ. Ghẹ ghi guan ẹmwẹ akhasẹ vbe emwa vbe Bẹtẹl ọvbehe. Ehe ne Ọba na ga ọ re ọna khin, Ọgua Osa ẹvbohoho.”

Emọs 7:13 ပူးပေါင်းရင်းမြစ်များ

I Ọba 12:29

Ọ keghi mu ọkpa vbe ẹmila igoru ni ye Bẹtẹl, ọ keghi mu e nọkpa ye Dan.

I Ọba 12:32

E Jeroboam keghi vbe mu emwiukpo ugamwẹ gbọọ ye ikpẹdẹ ekesugie ọghe uki ne ogierẹnrẹn vbe Bẹtẹl zẹ vbene ọ vbe ye vbe Juda, ọ keghi ya zọ ese vbe aka ni rre Bẹtẹl ghe avbe ẹmila igoru ne ọ ru. Ọ keghi viọ avbe ohẹn ne irẹn ma ẹẹn yọ vbe Bẹtẹl.

I Ọba 13:1

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.

II Ọba 14:24

Rẹn keghi sẹ ẹmwẹ e Nọyaẹnmwa, vbe ne ọ na lele uviẹn ọkhọ ne erha ẹe odede ighẹ Jeroboam ne ovbi e Nebat lele, ọmwa ne ọ si Izrẹl obọ fi orukhọ.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Jerimaia 26:9

Vbọzẹ ne u na ye eni e Nọyaẹnmwa tae wẹ Ọgua Osa na gha ye vbe Siailo, kevbe wẹ a gha fuẹn ẹvbo na an, ọmwa rhọkpa i ra vbe gha rrọọ?” Emwa na keghi ma rhu mwẹ.

Emọs 2:12

Sokpan, wa kegha ya ayọn ne Nazarait da, wa na wẹ ne avbe akhasẹ ghẹ ta uhunmwu ne I gie iran re ma uwa.

Emọs 3:14

“Ẹdẹ ne I gha rri ivbi Izrẹl oya ye orukhọ ne iran ru, I gha dunmwu Ogiukpo ne ọ rre Bẹtẹl rua, a gha vbe kpannọ igẹngẹn Ogiukpo hia kua, ehia ghi dele kuotọ.

Emọs 5:5

Wa ghẹ yo ya ga vbe Biẹsiẹba. Wa ghẹ yo ya gualọ mwẹ vbe Bẹtẹl, e Bẹtẹl gha la ọrhiae rrie. Wa ghẹ ye Gilgal, a mu emwa ni rrọ uhunmwu da iwe nẹ.”

Emọs 7:16

“Rhunmwuda ọnii nian, danmwehọ vbene Nọyaẹnmwa kha hẹ. U wẹ ne I dobọ ẹmwẹ akhasẹ ne I ta yi, ne I ghẹghi talọ ku ivbi Izrẹl.

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.