Emọs 6:6 - Edo Bible (E Baibol Ẹdo) Version 1996

⁶ Ọkpan nọkhua ọ re uwa ya ru ukpu da ayọn, ori ne ọ ghi winhin sẹẹ ọ re uwa ya wo, sokpan, ọ ma da uwa vbe Izrẹl rẹnkhẹn uan.

Emọs 6:6 ပူးပေါင်းရင်းမြစ်များ

Gẹnẹsis 49:22

Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

Ẹsta 3:15

Zẹ vbene ọba khare, ọ keghi ya ẹmwẹ na wewe vbe Susa ne igiogbẹ ẹvbo ni, iran ni rhulẹ keghi rhie iyẹn ni gha rrie dọmwadẹ iyaẹvbo. Ọba kevbe Haman keghi tota, iran na gha da ayọn, vbene adesẹ ore ẹvbo ni na khian ne a fian otighi fi.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Hozia 3:1

E Nọyaẹnmwa keghi tama mwẹ wẹẹ, “Dọlegbe gha khian, ne u ya ho ẹmwẹ okhuo ne irẹn vbe egbakhian rẹn gba ghẹ khian nii, u ghi ho ẹmwẹ ọnrẹn zẹ vbene imẹ ye vbe ho ẹmwẹ ivbi Izrẹl ne emwa mwẹ, a gha rhe miẹn wẹ iran lẹ lele ẹbọ ọvbehe, iran keghi vbe gha ya ititi ọmọ erhan ne a kae re, zọ ese ghe amazẹ.”

Emọs 2:8

Vbe owa ugamwẹ hia, ukpọn ne emwa miẹn ivbiogue re dayi rhunmwuda osa, ọ re iran ya vbiẹ. Uwu Ọgua Osa Osanobua iran, ọre iran na da ayọn ne iran miẹn emwa ni rri iran osa ẹre.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Iyẹn ne ọ Maan Ọghe Jọn 12:3

Meri keghi wa mu ohoho ọgọ ori ighobioye ne ọ winhin ne a ya nadi ru, ọ keghi tue ẹre ye Jesu owẹ, ọ keghi ya eto ne uhunmwu ẹnrẹn khiẹn rẹ n. Uwinhinmwẹ ọnrẹn keghi gba owa nii hia.

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

I Timoti 5:23

Ẹ i re amẹ ọkpa ọre u gha gha wọn, sokpan vbe gha da ayọn kherhe, ne ọ miẹn ehe ne gha dọlọ ruẹ ẹko yi, rhunmwuda ne u na huehue vbe ẹghẹ hia.