Emọs 6:5 - Edo Bible (E Baibol Ẹdo) Version 1996

⁵ Ihuan ne a ya rre ne aso vbene Devid gha ru ẹe, wa yẹ uwa, wa ghi vbe gha kpe ẹre vbe akpata.

Emọs 6:5 ပူးပေါင်းရင်းမြစ်များ

Gẹnẹsis 31:27

Vbua na rẹrẹ mwẹ hẹẹ, ne u na vin fua vbe ne a ma na tama mwẹ? Akpawẹ te u tama mwẹ, te I gha ya oghọghọ vbe ihuan suẹ sẹ odẹ ba ukusẹ kevbe akpata.

I Krọnikol 15:16

E Devid keghi tama olotu avbe Livai wẹ ne ọ zẹlẹ avbe Livai ne iran gha so ihuan kevbe ne iran vbe gha kpe akpata kevbe ukusẹ ọghe oghọghọ.

I Krọnikol 23:5

Ọ keghi viọ arriaisẹn enẹ (4,000) yọ ne iran gha ba odẹ, iran arriaisẹn enẹ (4,000) ne iran gha rho e Nọyaẹnmwa, vbene iran gha na gha lo avbe emwi emaba kevbe ẹzi kẹn ne ọba viọ ye otọ ne a ya gha ru ọna.

II Krọnikol 29:26

egbe ne Devid ne Ọba vbe lo. Avbe ohẹn keghi vbe viọ okpe mwẹ obọ, iran na vbe mudia ye evba.

Asan-Ibo 2:8

I keghi vbe sii esiliva kevbe igoru gboo kevbe avbe otọe ni ga gunmwẹ gha dee. Ikpia kevbe ikhuo kegha so ihuan yọmwẹ ehọ, I keghi vbe gha mwẹ ikhuo sẹẹ vbene ọmwaikọmwa gha sẹtin mwẹ sẹ.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Ezikiẹl 26:13

I gha dobọ ihuan ne uwa so yi, I gha gue emwi ne akpata ruẹ kpe unu.

Emọs 5:23

Wa dobọ ihuan owogho ne uwa so yi; I i ghi ho ne I họn ẹmwẹ akpata ne uwa kpe.

Emọs 8:3

Vbe ẹdẹ ne ẹdẹrriọ, egbọ ne a te viọ vbe uwu ẹguae gha khian utumwẹ akhiẹ. Ikun orinmwi gha gba ehehia. A ghi ya gha la iran kua vbene a i na vbe ta ẹmwẹ ọkpa.”

I Pita 4:3

Rhunmwuda, wa lo ẹghẹ ne ọ taẹn sẹ nẹ, ne uwa ya gha ru vbene avbe enimayayi ru. Ẹdẹ agbọn uwa kegha re ne a lo ye uyinmwẹ iruẹn ufifimwẹ, ayọn ne a da gbe egbe, ohọhọ, ẹbu idayọn, kevbe iruẹbọ nẹ ọ hu ọmwa ẹko.

Arhie Maan 18:22

Emwi ne iran kpee ighẹ otu ni kpe akpata kevbe iran ni kpe ẹzi kẹn, kevbe ni kpe ẹrogbo kevbe okpe, a i ghi ra dọlegbe họn ẹmwẹ iran vbe uwu uwẹ ọvbehe, a i ghi vbe họn vbe olọ lọ emwi vbe uwu uwẹ ọvbehe.