Emọs 6:4 - Edo Bible (E Baibol Ẹdo) Version 1996

⁴ U miẹn vbe ọ gha ba so uwa hẹ, wa ni nien obọ nien owẹ ua ye aga ne pọrhọ ọwua, wa ni rri emiowo oteghe ẹkhuia kevbe oteghe ohuan.

Emọs 6:4 ပူးပေါင်းရင်းမြစ်များ

Gẹnẹsis 37:25

Ugbẹn vbe iran ghi rri evbare, iran keghi miẹn vbe ọwarọkpa emwa Ismẹl ni ke Giliad dee, iran rrie Igipt. Iran ye ekẹtẹkẹtẹ kun avbe ọmọ erhan ne a re eso kevbe ne ọ winhin, iran viọ rrie Igipt.

Ẹsta 1:6

Ukpọn ne a ya oru nọfua kevbe ne raghoragho do ọ re a tan lele ogba nii ya te ẹre, a keghi ya okun eto ovbiohuẹ ododo de ẹre ye oroka esiliva mu orre ne a ya okuta ikpẹrọnmwọ ru. A keghi viọ aga nekhua ne a ya esiliva kevbe igoru ru lele ore ẹguae. Emwi ne a ya maa otọ ore nii kegha re ikpokuta ẹrọnmwọ nọfua, ekhae ne ọ baa ne a kpe, ogiete ikpẹrọnmwọ ne ọ fi wainwain kevbe emwi ne ọ ye vbe odan ne raghoragho.

Psalm 73:7

Ekhọe iran ghi gha hihiẹ ọkhọ ladian, ekhọe iran ghi gha zẹ iro emwi dan.

Aizaia 22:13

Sokpan, ne uwa gha na te ru vberriọ, wa keghi gha giẹ, wa na gha gbe iza-bọbọ, wa na gha gbele ẹmila kevbe ohuan re, wa kegha da ayọn wa keghi kha wẹẹ, “Ma sẹtin gha re ne a vbe gha da! Akhuẹ, ma gha wulo.”

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Jerimaia 16:8

“Ghẹ la owa ne ọmwa ne gbe ẹbu gha rri evbare. Ghẹ gu iran tota ne u da ayọn.

Ezikiẹl 16:49

Te irẹn kevbe ivbi ẹre nikhuo gha hio rhunmwuda ọkpọkua ne iran gha re, iran keghi vbe gha rrọ vbe ọfumwegbe kevbe a i mwẹ oyanghan, sokpan iran ma gbearoghe avbe ivbiogue kevbe iran ne ọ ma dunna na.

Ezikiẹl 23:41

Iran ghi tota ye aga nekhuẹrhẹ ne ọ mose, iran ghi mu eteburu ne a viọ emwi ni maa hia yi ye odaro iran vbe uwu ne eturari kevbe ẹvbi oliv ne I viọ ne iran ye.

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Emọs 8:3

Vbe ẹdẹ ne ẹdẹrriọ, egbọ ne a te viọ vbe uwu ẹguae gha khian utumwẹ akhiẹ. Ikun orinmwi gha gba ehehia. A ghi ya gha la iran kua vbene a i na vbe ta ẹmwẹ ọkpa.”

Maika 6:12

Iran ni fe vbe emwa ruẹn ya avbe ivbiogue ru enegbe iran, ọhọn ohoghe wa hia fẹẹrẹ wa khin.

Iyẹn ne ọ Maan Ọghe Luk 16:19

“Okpia ne ọ fe ọkpa kegha rrọọ, ogiukpọn ọre ọ ya haan vbe ẹghẹ hia, ọ ghi vbe gha lo emwi hia wọrhọwọrhọ ẹdẹgbegbe.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.