Emọs 6:10 - Edo Bible (E Baibol Ẹdo) Version 1996

¹⁰ Ọtẹn ọmwa ne ọ wu, ne ọ vbe yan irorinmwi, ọ re ọ ra dada ikun orinmwi ni hin uwowa rre. Ọtiọnrẹn ni ghi vbe nọ ọmwa ne ọ rhirhi ghi kẹe vbe owa ni wẹẹ, “Wẹ vbe ọmwarhọkpa gba rre evba ra?” Ọmwa ni ghi wanniẹn wẹẹ, “Ẹn o!” Ọtiọnrẹn ni ghi kha wẹẹ, “Gia họn ẹmwẹ! Te ima gha mwẹ ẹwaẹn ne a ghẹ vbe ya gbe unu ye eni e Nọyaẹnmwa.”

Emọs 6:10 ပူးပေါင်းရင်းမြစ်များ

II Ọba 23:16

E Josaia ghi ghe lẹga, ọ na ya deghẹ avbe idin ne a ma ẹẹn eso vbe uhunmwu oke, ọ na wẹ ne iran zọlọ ugboloko ni rrọọ ladian, ọ na giẹn iran vbe Ogiukpo, erriọ ọ na ya Ogiukpo khian ne a ya awua murhia, ọ keghi ru emwi ne akhasẹ ka ta ye otọ nẹ vbe ẹghẹ ne ọ gberra vbe ẹghẹ emwiukpo vbe Jeroboam mudia ye ọkpẹn Ogiukpo, e Josais ne ọba ghi ghe lẹga, ọ keghi ya deghẹ idin akhasẹ ne ọ ta ẹmwẹ na ye otọ.

II Ọba 6:33

Uhin ighẹ te ọ he ye guan vbe ọba rre, ọ keghi kha wẹẹ, “E Nọyaẹnmwa ọ re ọ si ọlọghọmwa na ye ima egbe vbọzẹ ne I gha na ye mudia wẹ ne ọ ru emwi rhọkpa?”

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 44:26

Sokpan, wa danmwehọ nian, eyan ne imẹ ne Nọyaẹnmwa, ya eni mwẹ nọkhua yan ma uwa ne ivbi Izrẹl ni rre Igipt wẹẹ, ‘Mẹ i ghi ra dọlegbe gie ọmwaikọmwa vbe uwu uwa ya eni mwẹ yan emwi wẹ I ya eni e Nọyaẹnmwa ne Udazi ne ọ rrọọ vinhẹn.’

Jerimaia 9:21

Uwu la ewindo ima la owa nẹ, ọ keghi la avbe ẹguae ima ọ gbele emọ negiẹrẹ vbe orere mwa kevbe avbe igbama vbe ẹki.

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Emọs 5:13

Rhunmwuda ọnii, ọmwa wa hẹko hunwan ọ re ọ maa sẹ vbe egbe ẹghẹ dan vbenian!

Emọs 8:3

Vbe ẹdẹ ne ẹdẹrriọ, egbọ ne a te viọ vbe uwu ẹguae gha khian utumwẹ akhiẹ. Ikun orinmwi gha gba ehehia. A ghi ya gha la iran kua vbene a i na vbe ta ẹmwẹ ọkpa.”

Nọmbas 17:12

Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ!

I Samuẹl 31:12

iran ni din sẹ vbọ keghi kpaegbe, iran na ye asọn ni hia khian gha rrie Bẹt-Sian. Iran keghi munọ ikun e Sọl kevbe ọghe ivbi ẹre hin egbekẹn rre, iran keghi viọ iran gha die Jabẹs, iran na do giẹn iran uan vbe evba.