Emọs 6:1 - Edo Bible (E Baibol Ẹdo) Version 1996

¹ U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Emọs 6:1 ပူးပေါင်းရင်းမြစ်များ

I Ọba 16:24

Vbe iyeke ọnii, ọ keghi dẹ oke Sameria ne ọ ha igho esiliva arria-isẹn ehan yi ne okpia ọkpa ne a tie ẹre Siẹma. Ọmri keghi gbe ekẹn ga ẹvbo nii, ọ na gha tie ẹre Sameria ne ọ ya ta e Siẹma ne ọ te ka yan uhunmwu oke ni.

Psalm 123:4

Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Itan 1:32

Emwa ne ẹ i mwẹ ẹwaẹn wulo rhunmwuda iran he ẹwaẹn yotọ. Ai tie emwi emwi ọghe iran ne akpa ọ re ọ ra fuẹn iran an.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Jerimaia 2:3

Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Jerimaia 49:31

‘Wa larre! Wa gie ima ya hẹrhu iran ni ro ighẹ iran i ghi rre uwu ẹbe, ẹkun sẹ iran otọ nẹ. Ẹvbo iran i mwẹ ẹkhu ne a yi yọ, ra emwi ne a ya khui ẹre, ẹi vbe mwẹ emwi ne a ya degue ọ re hiehiere.’

Jerimaia 5:5

I gha ya iwegbe bu iran na gha khian, ne I ya gu iran guan. Vbe ne ẹmwata, iran rẹn emwi ne Osanobua iran ho. Emwi ne Nọyaẹnmwa ho ne iran ru.” Sokpan iran hia ọ re ọ wa he ne iran gha rre ototọ asẹ e Nọyaẹnmwa, iran he ne iran họn ẹmwẹ ne ẹẹn.

Jerimaia 7:4

Wa dobọ ẹmwẹ ne uwa ya rẹrẹ egbe nii yi, ne uwa na kha wẹẹ, ‘Emwi rhọkpa i ra ru mwa! Ọgua Osa e Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khian!’

Eve Orriara 1:1

U miẹn vbe Jerusalẹm ghi divbiẹ hẹ ẹvbo ne emwa na te hu yo hu rre! Ne otagbọn hia te go wan te ọ ghi ye vbe okhuo ne ọ dẹgbẹ; ẹvbo ne ọ te re ne ọ hin usi sẹẹ ehia do khian ne ọ ghi re ọviẹn.

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Emọs 3:9

Wa tama iran ni rre ẹguae vbe Igipt kevbe Asdọd wẹẹ: “Wa ya si egbe koko ye oke ni rre ọkpẹn e Sameria ne uwa ya ghe otighi kevbe emwi dan ne iran ru vbe evba.”

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Emọs 5:27

Vbe ẹghẹ ne I gha na viọ uwa gha rrie iwe vbe odẹ vbe a gberra e Damaskọs nẹ.” Erriọ Nọyaẹnmwa ne a tie ẹre Osa ne Oghodua khare.

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

Emọs 9:10

A gha gbele avbe emwa orukhọ ni rre emwa mwẹ vbe okuo, iran hia ni kha wẹẹ, ‘Osanobua i gie ọkhọ sunu vbe egbe mwa.’ ”

Maika 3:1

Wa danmwehọ, wa ni khaemwisẹ yan Izrẹl! Te ọ te kei ne uwa mu aro yọ ne a gha bu ohiẹn ẹmwata.

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.

I Pita 5:7

Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.

Giọgis 18:7

Ẹre ikpia ihinrọn ni ghi na kpao, iran na gha rrie Lais. Iran keghi miẹn vbene ẹkun wa sẹ emwa ni rre ẹvbo nii otọ hẹ zẹ vbe emwa Saidọn, ọmẹhẹ ọ re iran wa khin, iran i gu emwa rhọkpa muan ẹmwẹ. Iran mwẹ emwi ne iran ho hia. Iran wa khian rrei ne ivbi e Saidọn. Iran i vbe mwẹ emwa ne iran gba ru hiehie.