Emọs 5:9 - Edo Bible (E Baibol Ẹdo) Version 1996

⁹ Rẹn ọ re ọ zẹ ọkhọ rruan iran ni wegbe kevbe emwi ne iran ya khẹ egbe.

Emọs 5:9 ပူးပေါင်းရင်းမြစ်များ

II Ọba 13:17

Ọba keghi kie ewindo ne ọ mu aro da odẹ e Siria zẹ vbene Elaisia tama rẹn. Elaisia keghi tama rẹn wẹẹ, “Fi ifẹnmwẹ nii.” Ọba ghi wa fi ifẹnmwẹ nii nẹ, akhasẹ ni keghi kha wẹẹ, “Wẹ ọrọre ifẹnmwẹ e Nọyaẹnmwa ne ọ gha ya khọn e Siria muotọ, u ghi gu e Siria khọn vbe Afẹk rhinrin u te do khọn miẹn iran otọ.”

II Ọba 13:25

Jehoas ne ọba Izrẹl na khọn miẹn ẹre otọ igba eha, ọ na munọ avbe ẹvbo ne Benhadad te khọn miẹn iran re vbe ẹghẹ Jehoahaz ne ọba ne erha Jehoas werriegbe.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Jerimaia 37:10

Gia kha i ghẹ te uwa gele sẹtin khọn ne obọ uwa ke ukhunmwu ne ivbiyokuo e Babilọn sẹrriọ wẹ iran ne a kuanrẹn okpa ọ re ọ ghi kẹe ye uwu owa ukpọn iran ne iran lovbiẹ yi, te iran na ye kpaegbe, iran ghi giẹn ẹvbo na muotọ.”

Emọs 2:14

Ya sẹ egbe iran ni guara rhulẹ, ọkpa ne ọ ra miẹn uhunmwu i rrọọ, ẹtin gha fo iran ni wegbe avbe ivbiyokuo i ra vbe sẹtin sinmwi uhunmwu iran ye agbọn.

Maika 5:11

I gha guọghọ avbe okpẹvbo ni rre otọe rua, I ghi vbe rẹnkhẹn avbe emwi ne uwa ya khẹ egbe ua.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.