Emọs 5:5 - Edo Bible (E Baibol Ẹdo) Version 1996

⁵ Wa ghẹ yo ya ga vbe Biẹsiẹba. Wa ghẹ yo ya gualọ mwẹ vbe Bẹtẹl, e Bẹtẹl gha la ọrhiae rrie. Wa ghẹ ye Gilgal, a mu emwa ni rrọ uhunmwu da iwe nẹ.”

Emọs 5:5 ပူးပေါင်းရင်းမြစ်များ

Gẹnẹsis 21:31

A na ghi gha tie evba nii, Biẹsiẹba, rhunmwuda evba iran eveva na gba yan eyan.

Gẹnẹsis 21:33

Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ.

Gẹnẹsis 26:23

Aizik keghi kpao, ọ na gha rrie Biẹsiẹba.

Gẹnẹsis 26:33

Rẹn keghi he uhae nii “Siba.” Ọnii ọ siẹe ne a na ye tie ẹvbo nii “Biẹsiẹba.”

I Ọba 12:28

Ọ ghi roro ẹe nẹ, ọ keghi do mannọ ẹmila ọwẹe igoru eva, ọ na tama emwa rẹn wẹẹ, “Ọ kpẹre ne uwa kegha yo e Jerusalẹm ya gha ga. Ivbi Izrẹl, wa ghe avbe ẹbọ uwa ne ọ viọ uwa ke otọe Igipt ladian!”

I Ọba 12:29

Ọ keghi mu ọkpa vbe ẹmila igoru ni ye Bẹtẹl, ọ keghi mu e nọkpa ye Dan.

II Ọba 23:8

Ọ keghi viọ avbe ohẹn ni te rre avbe okpẹvbo e Juda hia, kevbe otọe ẹvbo nii hia gha die Jerusalẹm, ọ rhia ehe ne iran na te zọ ese rua. Ọ kevbe guọghọ ẹe rua ighẹ Ogiukpo ne iran te ya ru ọghe orhiọn dan avbe ẹwe, ne ọ rre ọkpẹn onurho ne Jọsua ne nọ khaemwisẹ ẹvbo nii bọ ẹe, ọ na keghi te rre obọ iye ọmwa onurho ẹvbo nii vbe a gha wa la ore ẹvbo.

Job 8:22

sokpan, ọ gha fa iran ni khuiwu ruẹ a, a ghi ho owa avbe emwa dan bẹkun.”

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Aizaia 29:20

Evba nii i ọ re ọ khian gha re ufomwẹ iran ni wọ emwa ọvbehe uhunmwu, ni vbe zan Osanobua. A gha fuẹn dọmwadẹ ọmworukhọ ua.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Jerimaia 48:13

Ẹghẹ nii, ivbi e Moab gha khian ne iro hanrẹn ba ẹmwẹ e Kemọs ne ẹbọ iran, zẹ vbene iro e Bẹtẹl han ivbi Izrẹl, ẹbọ ni ne iran te mu ẹtin yan.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Hozia 12:11

Sevba te emwa ye ya uhunmwu rhanmwẹ otọ ne avbe ẹbọ vbe Giliad, iran ni ya uhunmwu rhanmwẹ otọ ne iran gha wulo. A ya ẹkhuia ẹmila zọ ese vbe Gilgal, avbe Ogiukpo ni re evba gha khian utete okuta vbe oha.”

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 9:15

E Nọyaẹnmwa khare wẹẹ, “E Gilgal ọre emwi dan hia ne iran ru na suẹn. Evba nii ọ re ohu iran keghi suẹn gha mu mwẹ. Rhunmwuda emwi dan ne iran ru, I gha khulo iran hin otọe mwẹ rre. Mẹ i ghi ra dọlegbe ho ẹmwẹ iran ọvbehe, avbe ọkaolotu iran hia wa sọtẹ mwẹ nẹ.

Emọs 1:5

I gha dunmwu onurho e Damaskọs rua, I ghi viọ emwa ni rre Iya Avẹn, kevbe ne ọ khaemwisẹ Bẹtẹdẹn kpao. A gha viọ ivbi e Siria oghunmwu gha rrie Kaa.”

Emọs 3:14

“Ẹdẹ ne I gha rri ivbi Izrẹl oya ye orukhọ ne iran ru, I gha dunmwu Ogiukpo ne ọ rre Bẹtẹl rua, a gha vbe kpannọ igẹngẹn Ogiukpo hia kua, ehia ghi dele kuotọ.

Emọs 4:4

E Nọyaẹnmwa ne Udazi khare wẹẹ, “Wa ne ivbi Izrẹl, wa gha rrie ehe nọhuanrẹn ne ọ rre Bẹtẹl ne uwa ya ru orukhọ khekherriọ! Wa gha rrie Gilgal ne uwa ya ye ẹtin uwa hia ru orukhọ! Wa tua obọ yọ, ne uwa gha munọ aranmwẹ rre ne a ya gha zọ ese owiẹ owiẹ, ne uwa vbe gha viọ aghae ye ihigbe ọwua rre ẹdẹ eheha.

Emọs 7:10

Amezaia ne ohẹn ne ọ rre Bẹtẹl keghi gie ne a tama Jeroboam ne Ọba Izrẹl wẹẹ, “Emọs gha khuan isọtẹ khẹ ruẹ vbe ehe ne avbe emwa ye. Ẹmwẹ ne ọ guan gha wa fuẹn uhunmwu ẹvbo na.

Emọs 7:13

Gie iran gha ha ruẹ osa yọ. Ghẹ ghi guan ẹmwẹ akhasẹ vbe emwa vbe Bẹtẹl ọvbehe. Ehe ne Ọba na ga ọ re ọna khin, Ọgua Osa ẹvbohoho.”

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

I Kọrinti 1:28

Rẹn hannọ emwi ne agbọn i ka yọ kevbe ne iran kpọzọ ua kevbe ne iran tie ẹre emwi kẹkan, ne ọ miẹn ehe na fuẹn iran uan ighẹ avbe emwi ne agbọn ghe gẹdẹgbẹ.

I Kọrinti 2:6

Vbene ọ rhirhi gha ye hẹẹ, I vbe ye ẹmwẹ ne ọ dinmwi gu iran ni dido nẹ vbe ẹmwẹ emwi ni re ọghe orhiọn guan. Sokpan ẹ i re ẹwaẹn ẹmwẹ agbọn na, ra ọghe avbe ẹtin ni rre ọdakha vbe agbọn na, avbe ẹtin iran ra fafaa.

Diuteronomi 28:41

Wa gha biẹlẹ emọ ikpia kevbe emọ ikhuo sokpan iran gha wii uwa rhunmwuda a gha hẹ iran oghunmwu gha rrie vbe okuo.

Jọsua 5:9

Ẹre Nọyaẹnmwa na tama Jọsua wẹẹ, “Vbe ẹdẹnẹrẹ na. ukpọn efaa ọghe ne uwa na gha re eviẹn vbe Igipt, I ban ẹn uwa ẹre mu fua nẹ.” Ọnii ọ si ẹe ne a na gha tie evba nii Gilgal zẹ vbene a ye tie ẹre ẹdẹnẹrẹ na.

Arhie Maan 18:17

Ẹgogo ọkpa kẹkan ọre avbe emwi na hia ya wii ẹre.” Avbe oziguẹ ni rre okọ, kevbe avbe ekhẹn, avbe oziguẹ kevbe avbe emwa ọvbehe hia ne ọ ghi khuan igho evbare unu ẹnrẹn nẹ vbe uwu okun, ehia keghi mudia ye urria gban-an.

I Samuẹl 11:14

Ẹre Samuẹl na tama iran wẹẹ, “Wa gie ima hia gha rrie Gilgal, ne a vbe dọlegbe ma e Sọl ọba mwa.”

I Samuẹl 7:16

Ukpukpo ọ re irẹn ya gha lae ga ke Bẹtẹl gha rrie Gilgal kevbe Mizpa. Ọ ghi gha bu ohiẹn lele ehe na hia khian.

I Samuẹl 8:2

A kegha tie ovbi ẹre ne ọdiọn Joẹl, a keghi tie nekherhe Abija; iran kegha re enibuohiẹn vbe Biẹsiẹba.