Emọs 5:24 - Edo Bible (E Baibol Ẹdo) Version 1996

²⁴ Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Emọs 5:24 ပူးပေါင်းရင်းမြစ်များ

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Emọs 5:23

Wa dobọ ihuan owogho ne uwa so yi; I i ghi ho ne I họn ẹmwẹ akpata ne uwa kpe.

Emọs 5:7

Ọghe uwa fo nẹ, wa ni khiẹn ohiẹn bu, ni vbe mu emwa buzọ ẹre aro ua vbe emwi ne ọ wa khẹke iran!

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.