Emọs 5:22 - Edo Bible (E Baibol Ẹdo) Version 1996

²² Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Emọs 5:22 ပူးပေါင်းရင်းမြစ်များ

Psalm 116:17

I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Jerimaia 7:21

“Wa ne emwa mwẹ, wa giẹn ese uwa eso ua fẹẹrẹ vbe Ogiukpo, a ghi vbe fan obọ ẹre ne uwa, ne uwa ya rri eso vbọ, sokpan, emwi ne imẹ ne Nọyaẹnmwa khare ọrọre wẹ, wa sẹtin wa rri ehia fẹẹrẹ.

Levitikọs 7:11

“Emwamwa izẹọhẹ, isara ne a rhie gie Nọyaẹnmwa ọre ena khin.

Emọs 5:23

Wa dobọ ihuan owogho ne uwa so yi; I i ghi ho ne I họn ẹmwẹ akpata ne uwa kpe.

Malakai 1:9

Wa ne avbe ohẹn, wa hia ne uwa nọ Osanobua wẹ ne ọ gha ye obọ esi mu ima. E I họn erhunmwu uwa, obọ uwa ọ re ọ ye.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.