Emọs 5:19 - Edo Bible (E Baibol Ẹdo) Version 1996

¹⁹ Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Emọs 5:19 ပူးပေါင်းရင်းမြစ်များ

Asan-Ibo 10:8

U gha tọn uvun, wẹ ọ ra de yọ, u gha kpahiẹ la ekẹn gberra, ẹyẹn gha ho ruẹ ẹmwẹ.

Aizaia 10:2

Erriọ ọ re uwa ru ẹe ne uwa i na gie emwi ne ọ khẹke avbe ivbiogue sẹ iran obọ, wa i gie a bu ohiẹn ẹmwata ne iran. Erriọ ọre uwa vbe ya viọ ukhu ne ọ sẹ ẹgbẹ kevbe emọ ne ẹ i mwẹ erha obọ.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Iwinna 28:4

Emwa ẹvbo ni ghi miẹn vbe ẹyẹn nii sikan mu Pọl obọ, iran na gha kha wẹẹ, “Ọ gha kẹe izigha oko na wa khin, egbe ne ọ ya miẹn uhunmwu rhie ladian vbe ẹzẹ na. Ẹrinmwi ma ye faẹn.”

Diuteronomi 32:24

Ohanmwẹ kevbe emwirraro gha gbele iran an, emianmwẹ ne ọ mu ohan gha gbele iran an, I gha gie aranmwẹ akọn ne ọ gha gu iran khọn, kevbe ẹyẹn ne ọ mwẹ obi nọ ọ gha ho iran ẹmwẹ

Jọsua 10:18

Rẹn keghi kha wẹẹ, “Wa werriẹ avbe okuta ni kọnkọn ye onurho ne a la la uvun nii. Wa viọ emwa yọ ne iran gha khẹ uvun okuta nii.