Emọs 5:17 - Edo Bible (E Baibol Ẹdo) Version 1996

¹⁷ Ugomwẹ gha rre uwu ogba azara hia. Emwi na hia sunu rhunmwuda, I dee ra do rri uwa oya.” Erriọ Nọyaẹnmwa khare.

Emọs 5:17 ပူးပေါင်းရင်းမြစ်များ

Ẹksọdọs 11:4

E Mosis keghi tama ọba wẹẹ, “Vbe nian e Nọyaẹnmwa khare, ‘Ẹdẹ gha ye egbe rrie ogiasọn, I gha la uwu ẹvbo Igipt.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Ẹksọdọs 12:23

E Nọyaẹnmwa gha la Igipt gberra ne ọ ya gbele ivbi Igipt, ọ gha bẹghe esagiẹn ne ọ rre ẹkhu kevbe egbaha onurho, ẹ i ghi vbe gie ọfuan la owa uwa gbe emwi.

Aizaia 16:10

Orhiọnkpa ne ẹko maa ighi rrọ nian vbe otọe ne ọ maa emwiokọ nii. A i ghi miẹn ọmwa ne ọ wee ra ne ọ gha so ihuan vbe ogba azara. A i ghi miẹn ọmwa ne ọ minọ alimo ya ru ayọn, uwemwẹ oghọghọ sẹẹ ufomwẹ.

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Joẹl 3:17

“Ẹghẹ nii u gha na rẹn Izrẹl, ighe mẹ ọrọre Nọyaẹnmwa Osanobua ruẹ. E Zaiọn ne oke mwẹ nọhuanrẹn, ọre I dia, e Jerusalẹm gha khian ẹvbo nọhuanrẹn, avbe erhunmwuyẹn i ghi khọn rẹn ẹdẹ.

Nahum 1:12

Vbenian ọ re Nọyaẹnmwa tama ivbi Izrẹl ne emwa rẹn: “A gha rhe miẹn wẹ ivbi Asiria wegbe, iran vbe bun, a gha fuẹn iran an, a ghi ho iran bẹkun. Wa ne emwa mwẹ, I gie uwa sẹ usẹ, sokpan, I i ghi dọlegbe ru ẹe vberriọ.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”