Emọs 5:15 - Edo Bible (E Baibol Ẹdo) Version 1996

¹⁵ Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Emọs 5:15 ပူးပေါင်းရင်းမြစ်များ

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

III Jọn 1:11

Wa ne avbe ọse mwẹ, wa ghẹ gha ya egbe ta emwi dan, wa gha ya egbe ta emwi esi. Ọmwaikọmwa ne ọ ru emwi ne ọ maa ọghe Osanobua nọ, ọmwaikọmwa ne ọ ru emwi dan, ọ ma he miẹn Osanobua.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

Maika 5:3

Erriọ, e Nọyaẹnmwa gha zẹ emwa rẹn obọ ne avbe eghian iran, a te do miẹn wẹ ọmwa ne ọ ra biẹ ọe biẹ ọmọ okpia. Ẹghẹ nii, a ghi do ku ivbi ẹvbo ẹre ni rre iwe koko ba emwa iran.

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Emọs 5:24

Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

I Ọba 20:31

Emwa rẹn keghi bu ẹre gha khian, iran tama rẹn wẹẹ, “Ma họẹn wẹ emwa itohan ọ re avbe ọba Izrẹl khin. Rhie asẹ ne ima, ne ima viọ ukpọn akhiẹ rhuan, ne a vbe rilo irri ye urhu bu ọba Izrẹl gha khian, u gha ghe, ọ gha zẹ ima obọ.”

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

Maika 2:12

“Sokpan, mẹ gha si uwa koko, wa ne ivbi Izrẹl ni ghi kẹe. I gha viọ uwa kugbe zẹ vbe ohuan ne ọsuohuan viọ di owa ohuan. Zẹ vbe otọe ne aranmwẹ na rri irunmwu, ne ọ vuọn ne ohuan, emwa gha dọlegbe vuọn otọe uwa.”

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.

Emọs 5:10

Wa ni khuiwu iran ni gbeta ye a i ta ẹmwata unu vbe iko, iran ghi rhie ẹmwata ne ọ rrọ ta.

Emọs 5:6

Wa bu e Nọyaẹnmwa gha khian, wa gha di agbọn ya. Adeghẹ wa ma yo, ọ gha hẹ rhu ivbi Izrẹl zẹvbe erhẹn. Erhẹn nii gha giẹn iran an ighe iran ni rre Bẹtẹl, a i ra vbe miẹn ọmwa ne ọ gha sẹtin dọ ẹre yọ.

Jerimaia 31:7

E Nọyaẹnmwa khare wẹẹ, “Wa ya oghọghọ so ihuan ne Izrẹl ne ọ kpọlọ sẹẹ vbe uwu avbe ẹvbo hia, wa so ihuan Urhomwẹ ọwua, ‘E Nọyaẹnmwa miẹn emwa rẹn fan nẹ, ọ fannọ iran ni ghi dekẹe werriegbe.’

Psalm 119:104

I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Psalm 37:27

Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

II Ọba 19:4

Ọgbaisi ọghe Asiria gie avbe irriegie ẹre ne iran do kpa unu ghe Nọyaẹnmwa ne ọ rrọọ. Te Nọyaẹnmwa ne Osanobua ruẹ gha họn ẹmwẹ na ne ọ rri iran ni ta ẹe oya. Rhunmwuda ọnii, na erhunmwu ne emwa ima ne iran miẹn uhunmwu.”

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Ọba 13:7

E Jehoahaz ma ghi gha mwẹ emwi igbinna gberra arhin ekigbesiyeha ni hin ẹsin, ikẹkẹ okuo igbe, kevbe arhin arriaisẹn igbe (10,000) ni ye owẹ khian, rhunmwuda, ọba e Siria dunmwu enekpa a, ọ na gha ya owẹ rrilo iran ginna otọ zẹ vbe ekẹn.

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Daniẹl 2:49

Zẹ vbene Daniẹl nọ rẹn, ọba keghi mu e Babilọn ne Siedrak Mesiak kevbe Abẹdnigo gha gbearoghe. Sokpan e Daniẹl kegha rre ẹguae Ọba.

Emọs 7:3

E Nọyaẹnmwa keghi fi ekhọe werriẹ, ọ keghi kha wẹẹ, “Emwi ne u miẹn i ghi ra sunu.”

Jona 1:6

Ọka oziguẹ keghi miẹn ọẹn vbe evba, ọ tama rẹn wẹẹ, “Vbe u a ru yi, te uwẹ vbiẹ? Kpaegbe, ne u tu tie Osanobua ruẹ wẹ ne ọ bu rre. U ghaghe ohan mwa gha to ẹe, ọ ghi gie ima miẹn uhunmwu.”

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Jerimaia 18:8

ẹre ẹvbo nii ghi na fi uyinmwẹ dan rẹn werriẹ, I i ghi ru ẹre emwi ne I te wẹ I gha ru ẹre re.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Maika 3:2

Sokpan, ohu emwi esi ghi gha mu uwa, wa ghi gha ho ẹmwẹ emwi dan, wa gha zẹlẹ emwa mwẹ ohian, ke iran kevbe ẹmwẹ ne unu, wa keghi gbẹn ugboloko iran hia.