Emọs 4:8 - Edo Bible (E Baibol Ẹdo) Version 1996

⁸ Amẹ ghi rhọ ye ugbo ọkpa, sokpan nọkpa ghi kaka a. Emwa ne ohanmwẹ amẹ gbe ya khian ne vburriẹ vburriẹ ghi ke ẹvbo nibun gha die ẹvbo ọkpa ne iran rhie aro yi wẹ iran gha na miẹn amẹ wọn, sokpan amẹ ne ọ gha sẹ iran wọn i rrọ. Sevba, wa ma ye bu mwẹ rre.

Emọs 4:8 ပူးပေါင်းရင်းမြစ်များ

I Ọba 18:5

Ehab keghi tama Obedaia wẹẹ, “Gie ima ya ghe ivbi ẹzẹ hia kevbe ekhuọrhọ ẹzẹ ni rre otọe na, a deghẹ a gha miẹn irunmwu ne ọ gha sẹ a ya koko avbe ẹsin kevbe ẹmila ne iran ghẹ wulo. U gha ghe, ma i ra gbele emwirri ima rhọkpa.”

Aizaia 9:12

E Siria vbe odẹ ahọ kevbe Filistia vbe odẹ orrie, rhan unu yotọ ne iran minọ Izrẹl re. Ọ rhe ye vberriọ, ohu e Nọyaẹnmwa ma he ye fo. Te ọ ye niẹn obọ ẹre ladian ne ọ rri iran oya.

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 3:7

Mẹ te gha ro wẹ ọ gha do avbe ẹki na hia fo nẹ, ọ gha dọlegbe bu mwẹ rre sokpan, ọ ma dọlegbe rre, aro e Juda ne ọtiọnrẹn ne ọ ma guobọ ọdọ wa sẹ emwi na ehia.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Hozia 11:5

“Iran he ne iran werriegbe bu mwẹ gha dee, rhunmwuda ọnii, Igipt iran gha werriegbe gha rrie, Asiria gha vbe gha khaemwisẹ yan iran.

Hozia 7:10

Uhiomwẹ ivbi Izrẹl wa ba iran ifi ẹzọ. Vbene a rhe ru emwi ye iran aro sẹ, iran ma dọlegbe bu mwẹ gha dee, mẹ ne ọ re Nọyaẹnmwa ne Osanobua iran.

Emọs 4:6

“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.

Maika 6:14

Wa gha rri evbare sokpan ẹko i ra vuọn uwa, vbe ẹmwata, ohanmwẹ ghi ye gha gbe uwa. Wa gha viọ emwi gha rrie, sokpan wa i ra gua dọlọ ẹe yi. Avbe emwi ne uwa gua ra dọlọ yi, I gha ye okuo fuẹn ehia a.

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 2:17

I gie ẹhoho kevbe owowo ne ọ giẹn emwi uan ne ọ do rhia emwi ne uwa te kọ hian a, sokpan, wa ma ye ro iro fi uyinmwẹ werriẹ.