Emọs 4:5 - Edo Bible (E Baibol Ẹdo) Version 1996

⁵ Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Emọs 4:5 ပူးပေါင်းရင်းမြစ်များ

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Jerimaia 7:10

Wa ru avbe emwi na ne ẹ i yẹ mwẹ, wa ghi vbe do gha mudia ye odaro mwẹ, vbe uwu ọgua Osa mwẹ, wa ghi vbe gha kha wẹẹ, ‘Ma rrọ vbe ai mwẹ ẹbe!’

Jerimaia 7:9

Wa rha, wa do izigha, wa ghẹ, wa vẹn ihẹn re, wa zọ ese ghe Baal, wa keghi vbe gho ẹbọ ne uwa ma ka rẹn de yi.

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Levitikọs 23:17

Dọmwadẹ ẹgbẹe ghi viọ ebrẹd eva rre, a ghi viọ ne Nọyaẹnmwa zẹ vbe izẹọhẹ kpataki ebrẹd ọkpọkpa ghi gha re ne a ya uwan enẹ ọghe ọka irhuarhua kevbe eyist ru a ghi vbe mu ẹẹn gie Nọyaẹnmwa zẹ vbe ihaoko ọghe akọrhọre ne okaro.

Emọs 5:21

E Nọyaẹnmwa khare wẹẹ, “Ugie ugamwẹ ne uwa do hia wa sọnnọ mwẹ, I i ghi ho ne I bẹghe iran.

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Matiu 15:9

Vbe iran ghi ya uhunmwu rhanmwẹ otọ mẹ ba a, vbe iran mu ẹmwẹ uhi emwa kẹkan vbe na miẹn we uhi Osanobua nọ!’ ”

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Matiu 6:2

“Rhunmwuda ọnii, u gha rhie emwi ne nẹi mwẹ, ghẹ yae khian wa do ghe, zẹ vbe ne avbe iran ni zẹ imamase ru vbe ada kevbe Ọgua ediọn. Te iran ruẹe ne a ba gha tian iran. Ere ne ọ rrọọ ne iran wa vbe fo nẹ vbe vba.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.