Emọs 4:3 - Edo Bible (E Baibol Ẹdo) Version 1996

³ A ghi kpolo uwa gha rrie ehe ne ekẹn ne a gbe lẹga ẹvbo ne ọ ghi sikẹ evba sẹẹ, a ghi filo uwa kua.”

Emọs 4:3 ပူးပေါင်းရင်းမြစ်များ

II Ọba 25:4

Iran keghi guọghọ ihe eso vbe ekẹn ne a gbe lẹga ẹvbo nii. A gha rhe miẹn wẹ te ivbi e Babilọn wa tan obọ khinkhian ẹvbo nii, avbe ivbi iyokuo ni rrọọ hia lẹkua vbe asọn. Iran keghi la odẹ ogba ọghe ọba ladian, iran keghi la onurho ne ọ rre ehe ne ekẹn eva na miẹn egbe, iran le le odẹ ne ọ rrie Iya e Jọdan.

II Ọba 7:15

Ikpia nii keghi khian sẹ Jọdan, iran keghi miẹn avbe ukpọn kevbe emwi ne a lo ọvbehe hia ne ivbi e Siria hẹkua lele odẹ vbe iran lẹ khian. Ẹre iran na dọlegbe rre do na iyẹn ma ọba.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 31:7

Ẹghẹ dee ne uwa gha na filo avbe amazẹ orukhọ ne uwa ya esiliva kevbe igoru mannọ kua.

Jerimaia 52:7

A keghi guọghọ ekẹn ẹvbo nii gberra. A gha rhe miẹn wẹ te ivbi e Babilọn ghae ga ẹvbo ni, avbe ivbiyokuo ni rrọọ keghi lẹẹ kua vbe asọn. Iran keghi la odẹ ogba ọha ladian iran na la onurho ne ọ rre ehe ne ekẹn eva na vba egbe, iran na lẹ ghe odẹ Iya e Jọdan.

Ezikiẹl 12:12

Ovbi ọba ne ọ gbearoghe iran, asọn ọ re ọ ra ya kun emwi ẹnrẹn yan izabọ, ọ ghi la uvun ne a ha la ekẹn nẹ lẹfua. Ọ gha gbalọ aro, ẹ i ra vbe bẹghe ehe ne ọ rrie.

Ezikiẹl 12:5

Ehe ne iran na ghe ruẹ nii, u ghi ha uvun la ekẹn owa ruẹ ladian, avbe emwi ne u kunrun nii, u ghi viọ ehia la evba ladian.

Emọs 6:7

Rhunmwuda ọnii, wa ọ re ọ khian gha re asa ni karo ni gha yo iwe. A ghi ho emwiukpo kevbe okpe evbare ne uwa le bẹkun.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Giọgis 5:17

Ẹwae Dan keghi mudia ye oha erria. Ẹwae Asia keghi mudia vbe eghute okun, iran mudia lele ọkpẹn okun.