Emọs 4:2 - Edo Bible (E Baibol Ẹdo) Version 1996

² Zẹ vbene Nọyaẹnmwa ne Udazi na re nọhuanrẹn, ọ yan nẹ wẹẹ, “Ẹdẹ dee ne a gha ya ẹghọ silo uwa ladian, dọmwadẹ ọghọe vbe uwu uwa gha ye vbe ehẹn ne ọ rre ẹghọe.

Emọs 4:2 ပူးပေါင်းရင်းမြစ်များ

Psalm 89:35

“I ya eni mwẹ ne ọ huanrẹn yan nẹ uhukpa ne ọ re ọghe ẹdẹ hia, mẹ i ra ta ohoghe ma e Devid ẹdẹ.

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Aizaia 37:29

A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Ezikiẹl 29:4

I gha mu ẹghọ ye uẹ agbanmwẹ, I ghi ru ẹe ne avbe ehẹn ni rre ẹzẹ ruẹ sikan mu ẹẹn egbe kankaankan. I ghi siọ ladian hin uwu e Naẹl rre ke uwẹ kevbe avbe ehẹn ni sikan mu ẹẹn egbe.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Ezikiẹl 38:4

I gha sua ẹre yo sua ẹre rre, I ghi rhie ẹghọ ye ọ re agbanmwẹ, I ghi kpolo irẹn vbe ivbiyokuo ẹre gha rrie. Ivbiyokuo mu asa mwẹ obọ, iran vbe mwẹ umozo.

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Emọs 8:7

E Nọyaẹnmwa ne Osanobua Izrẹl vẹn ihen nẹ wẹẹ, “Mẹ i ra mianmian emwi dan ne iran ru.