Emọs 3:7 - Edo Bible (E Baibol Ẹdo) Version 1996

⁷ E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Emọs 3:7 ပူးပေါင်းရင်းမြစ်များ

Gẹnẹsis 18:17

E Nọyaẹnmwa keghi tae vbe ekhọe ẹre wẹẹ, “I i sẹtin rhie emwi ne I ra ru lẹre ne Ebraham.

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

II Ọba 22:13

“Wa ya gualọ otọe ẹmwẹ emwi ne a gbẹnnẹ ye ebe na, kevbe emwa e Juda, vbe obọ e Nọyaẹnmwa. Ohu ima mu e Nọyaẹnmwa rhunmwuda, avbe erha mwa odede ma ru vbene ẹmwẹ ni rre ebe na wẹ ne a ru.”

II Ọba 22:20

Oya ne I khian rri e Jerusalẹm re i ra sunu vbe ẹ i re te uwu nẹ. I gha gie uwẹ wu vbe ọfumwegbe.’ ” Emwa ni keghi ya na iyẹn ma e Josaia ne ọba.

II Ọba 6:12

Ọkpa vbe uwu iran keghi wanniẹn wẹẹ, “Ọmwa ne ọ re ọrhẹ irrọọ Umogun. Elaisia ne akhasẹ ọre ọ talọ emwi hia ma ọba Izrẹl yasẹ egbe iro ne u zẹe vbe ẹkhokho ọghe ughugha ruẹ.”

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Jerimaia 23:22

Akpawẹ te iran rẹn iro ẹkhokho ekhọe mwẹ, iran gha ta uhunmwu ne I gie ma emwa mwẹ, iran gha te ru ẹe ne iran sẹ uyinmwẹ dan ne iran yin kevbe emwi dan ne iran ru rae.

Ezikiẹl 29:21

“Ọnii ghẹ ghi sunu nẹ, I gha ru ẹe ne ivbi Izrẹl wegbe, I ghi vbe ru ẹe ne uwẹ ne Ezikiẹl guan ladian vbe ehe ne emwa hia gha na họn ẹmwẹ ruẹn, ne iran miẹn ehe na rẹn wẹ mẹ ọrọre Nọyaẹnmwa.”

Daniẹl 11:2

Ẹmwẹ ne I ra tama ruẹn na, ẹmwata nọ.” Odibosa nii keghi kha wẹẹ, “Ọba eha gha khaemwisẹ lele egbe vbe Pẹsia, ne ogienẹ gha vbe lele iran, rẹn na gha wa fe sẹẹ iran nekpa hia. Ẹghẹ ne ẹtin ẹnrẹn gha na wa kpọlọ sẹẹ, kene ẹfe ẹre gha na vbe bu sẹẹ, ogha si arriọba e Gris evẹn.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.

Arhie Maan 1:19

Rhunmwuda ọnii, gbẹnnẹ emwi ne aro ruẹ miẹn ye otọ, kevbe avbe emwi ni rrọọ nian, kevbe avbe emwi ni gha he sunu vbe iyeke akhuẹ.

Arhie Maan 10:7

Sokpan, ẹkpo ne odibosa ne ogihinrọn gha na fian okpe ọghọe re, Osanobua gha mu emwamwa ẹkhokho ẹre sẹ, zẹẹ vbene ọ tama avbe akhasẹ ne eguọmwadia ẹre.”

Arhie Maan 4:1

Ẹghẹ na ọre I na vbe miẹn umian ọvbehe, I na bẹghe urho ne a kie ye otọ ọkpa vbe ẹrinmwi. Urhu ne ọ ye vbe ne a si orhu, ne ọ ka gha gun mwẹ guan usin keghi kha wẹ, “Hin odukhunmwu gha die edinran, I gha rhie emwi ne ọ gha sunu vbe iyeke ọnọna ma ruẹn.”

I Samuẹl 9:15

Vbe a tie ẹre akhuẹ e Sọl khian rre, e Nọyaẹnmwa keghi tama Samuẹl wẹẹ,