Emọs 3:6 - Edo Bible (E Baibol Ẹdo) Version 1996

⁶ A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Emọs 3:6 ပူးပေါင်းရင်းမြစ်များ

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

II Ọba 6:33

Uhin ighẹ te ọ he ye guan vbe ọba rre, ọ keghi kha wẹẹ, “E Nọyaẹnmwa ọ re ọ si ọlọghọmwa na ye ima egbe vbọzẹ ne I gha na ye mudia wẹ ne ọ ru emwi rhọkpa?”

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 4:5

Wa si orhu la otọe nii hia! Wa kporhu ne ọ la ke ne ọ gia họn! Wa tama ivbi e Juda kevbe ivbi e Jerusalẹm ne iran lẹ gha rrie ẹvbo ne a gbe odin gaa.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Ezikiẹl 33:3

Rẹn gha ghi miẹn wẹ avbe eghian dee, ọ ghi kpe orhu ya tama emwa nii.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Emọs 3:5

Ifi vbe mu ahianmwẹ ra deghẹ ẹ i re te a ke ẹre? Ifi wa vbe gheghe dọn ra adeghẹ ẹ i re emwi ọ dọn rẹn?

Zẹfanaia 1:16

Ẹdẹ ne ọ vuọn ne owogho okpe okuo, kevbe uvannọmwẹ okuo ọghe ivbiyokuo ni dekun ẹvbo ne a gbe odin gaa kevbe avbe owa ọkhẹ ni yo.

Zẹkaraia 8:10

Vbe ọ te do sẹ ẹghẹ ne a kha na, a i miẹn ọmwa ne ọ sẹtin rhie aranmwẹ ra ọmwa ne agbọn vbe iwinna, ọmwa ne ọ wa vbe fe vbe obọ eghian rẹn ẹ i rrọ. I keghi ru ẹe ne emwa viọ aro igbinna da egbe.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.