Emọs 3:5 - Edo Bible (E Baibol Ẹdo) Version 1996

⁵ Ifi vbe mu ahianmwẹ ra deghẹ ẹ i re te a ke ẹre? Ifi wa vbe gheghe dọn ra adeghẹ ẹ i re emwi ọ dọn rẹn?

Emọs 3:5 ပူးပေါင်းရင်းမြစ်များ

Psalm 140:5

Iran ni tọn egbe mu khuẹn ifi khẹ mwẹ, iran rhuẹ akobẹ iran nẹ, iran khuẹnnẹ ifi lele odẹ, ne iran mu mwẹ.

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Daniẹl 9:14

Wẹ ne Nọyaẹnmwa Osanobua mwa wa mu egbe ne u ya rri ima oya, u keghi ru ẹe vberriọ rhunmwuda, emwi ne ọ gbae ọ re uwẹ ru vbe ẹghẹ hia kevbe wẹ, ma ma danmwehọ ruẹ.

Emọs 3:4

Oduma vbe davan vbe uwu ẹgbo ra vbe ẹ i re te ọ gbe emwi nẹ? Ovbi oduma vbe zuyọn vbe uwu uvun ra vbe ẹ i re te obọ ẹre vba emwi nẹ?

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?