Emọs 3:12 - Edo Bible (E Baibol Ẹdo) Version 1996

¹² E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Emọs 3:12 ပူးပေါင်းရင်းမြစ်များ

I Ọba 20:30

Iran ni miẹn uhunmwu vbọ keghi lẹ la adesẹ ore ẹvbo, iran kegha rrie ẹvbo ne a tie ẹre Afẹk, ekẹn ne a gbe lẹga ẹvbo nii keghi siẹn rhu iran, ọ keghi gbele arhin arriaisẹn eha irrọ vbe ọgban (27,000), vbe uwu iran. E Benhadad kevbe lẹfua, ọ na ya lẹre ye ughugha ne ọ rre iyeke owa.

I Ọba 20:34

E Benhadad keghi tama rẹn wẹẹ, “I gha viọ avbe ẹvbo ne erha mwẹ munọ ẹn vbe otọe erha a ne uẹn. U sẹtin bu ẹki ye Damaskọs zẹ vbene erha mwẹ vbe bu ye Sameria.” Ehab keghi wanniẹn wẹẹ, “I gha sẹ uẹ rae rhunmwuda vbene a ghi mwamwa ẹẹn yi na.” Ọ keghi gu ẹe rhie obọ ye ebe ọ na sẹ ọe rae.

I Ọba 22:25

E Makaia keghi tama rẹn wẹẹ, “U gha rẹn vbene ọ ya sunu hẹ vbe u a lẹ la ughugha ne ọ rre iyeke owa ya lẹre.”

II Ọba 16:9

E Tiglat Pailesa keghi khuẹnniẹn ye Ehaz re, ọ na viọ ivbi iyokuo ẹre gha rrie Damaskọs, ọ na khọn ẹnrẹn, ọ na gbe Rẹzin ne ọba a, ọ na viọ emwa nii oghunmwu gha rre Ka.

Ẹsta 1:6

Ukpọn ne a ya oru nọfua kevbe ne raghoragho do ọ re a tan lele ogba nii ya te ẹre, a keghi ya okun eto ovbiohuẹ ododo de ẹre ye oroka esiliva mu orre ne a ya okuta ikpẹrọnmwọ ru. A keghi viọ aga nekhua ne a ya esiliva kevbe igoru ru lele ore ẹguae. Emwi ne a ya maa otọ ore nii kegha re ikpokuta ẹrọnmwọ nọfua, ekhae ne ọ baa ne a kpe, ogiete ikpẹrọnmwọ ne ọ fi wainwain kevbe emwi ne ọ ye vbe odan ne raghoragho.

Ẹsta 7:8

Rẹn ghi wa deguo ye aga nọkhua ne Ẹsta tota yi ne ọ rinmwian ẹn wẹ ne ọ tohan irẹn. Ọba na wa dọlegbe ke uwu ogba la owa, Ọba ghi wa bẹghe ẹre vberriọ ọ keghi datu wẹẹ, “Te oko na ra wa vbe sirra mwẹ gha mu Oloi yagha vbe ehe ne imẹ ye vbe ẹguae mwẹ ra?” Ọba ma he ta ẹmwẹ na fo vbe avbe ọghẹrriẹnoguan mu emwi gue Haman uhunmwu.

Psalm 132:3

“Mẹ i ra ye owa mwẹ ra ne I ya lovbiẹ,

Aizaia 17:7

Ọ gha sẹ ẹdẹ nẹdẹrriọ, emwa gha lẹ bu Ayi ne ọ yii iran ne ọ re Osanobua Nọhuanrẹn ọghe Izrẹl rre ne ọ do ru iyobọ ne iran.

Aizaia 31:4

E Nọyaẹnmwa keghi tama mwẹ wẹẹ, “Vbene avbe ọsuohuan a rhirhi yan go sẹ ra vbe ne iran a rhi rhi tu sẹ, iran i sẹtin khu oduma hin aranmwẹ ne ọ gbe yotọ nẹ rre, erriọ vbe nọ emwiọkpa i rrọ ne ọ gha sẹtin da mwẹ yi, mẹ ne Nọyaẹnmwa ne Oghodua, ne I ghẹ tan obọ gue Oke Zaiọn.

Aizaia 8:4

Ọmọ na ghi te wan sẹ ne ọ gha na gha tie ‘Iye’ tie ‘Ebaba’, ẹfe ni rre Damaskọs kevbe emwi ne a furu vbe Sameria hia gha khian ne ọba Asiria hẹ gha rrie.”

Emọs 6:4

U miẹn vbe ọ gha ba so uwa hẹ, wa ni nien obọ nien owẹ ua ye aga ne pọrhọ ọwua, wa ni rri emiowo oteghe ẹkhuia kevbe oteghe ohuan.

Emọs 9:8

Mẹ ne Nọyaẹnmwa ne Oghodua wa baba Izrẹl ne ẹvbo emwa orukhọ na. I gha wa fuẹn ọnrẹn uan hin otọ agbọn rre, sokpan I i ra fuẹn ehia a ighe ivbi uniẹn Jekọb.