Emọs 3:10 - Edo Bible (E Baibol Ẹdo) Version 1996

¹⁰ E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Emọs 3:10 ပူးပေါင်းရင်းမြစ်များ

Job 20:21

Ọ gha rri evbare, ẹ i vbe kẹrre, banbanna nian, ẹfe ẹre sẹ ufomwẹ nẹ.

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Itan 1:13

Ma gha miẹn ẹfe ughughan nibun, ma ghi ya emwi ne a furu vuọn owa mwa.

Itan 11:16

Emwa hia ọ re ọ yọghọ ne okhuo ne ọ rẹn enegbe, sokpan, efaa ọ re okhuo ne ẹ i mwẹ uyimwẹ khin. Okpia ne ọ mitan i sẹtin gha mwẹ igho, sokpan okpia ne obọ ẹre tọn gha fe.

Itan 28:5

Emwa dan ma rẹn emwi ne a ya ohiẹn ẹmwata kha, sokpan, iran ni ga e Nọyaẹnmwa, rẹn ọnrẹn ẹsẹse.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:4

Ẹghẹ nii ọ re I na kha wẹẹ, “Avbe ivbiogue ni ma rẹn enaye ọ re ena khin. Emwi ukọnmwẹ ọ re iran wa ru, iran ma rẹn emwi ne ọ yẹ Osanobua iran, emwi ne Nọyaẹnmwa ho ne iran ru.

Ezikiẹl 18:7

Ẹ i rha ọmwa ẹ i do ọmwa oyi. Ọ vbe rhie emwi ne ọmwa ne ọ mọmọ ẹre emwi rhie ne ẹẹn da yi, werriegbe ne ẹẹn, ọ koko ne ohanmwẹ gbe, ọ vbe rhie ukpọn ne ne ọ rre irhunmwuirhun.

Ezikiẹl 22:29

Iran ni fe rha, iran do oyi. Iran ye obọ dan mu avbe ivbiogue, iran keghi vbe mu avbe orhunmwuyẹn vbuẹvbuẹ.

Ezikiẹl 8:17

E Nọyaẹnmwa keghi tama mwẹ wẹẹ, “Ovbi ọmwa a deghẹ u miẹn onii, ivbi e Juda na, ẹko ẹre ma vuọn iran ighe emwi ne ọ zughu ẹko ne iran ru zẹ vbene u miọẹn na, kevbe ne iran gha yin uyinmwẹ ikẹtin vbe otọe na hia. Sokpan, te iran gha rre do ru ẹe vbe uwu Ọgua Osa tobọ ẹre ne a miẹn ehe na kakabọ ya ohu mu mwẹ. A deghẹ u miẹn vbene iran la odẹ ne ọ ghi sọnnọ sẹẹ ehia yagha mwẹ hẹ.

Hozia 7:1

“Ẹghẹikẹghẹ ne I ya ho ne I sinmwi emwa mwẹ ighẹ ivbi Izrẹl kevbe ne I gie agbọn ma iran, emwi ne I miẹn vbe obọ iran ọrọre ekhọe dan, kevbe uyinmwẹ dan ne iran yin. Iran gha mu egbe ru. Iran gbe urho la owa ya gha rha, iran do emwa emwi hẹ vbe adesẹ ore.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Emọs 5:7

Ọghe uwa fo nẹ, wa ni khiẹn ohiẹn bu, ni vbe mu emwa buzọ ẹre aro ua vbe emwi ne ọ wa khẹke iran!

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.

Emọs 6:3

Wa ma ho ne uwa miẹn họn wẹ ẹdẹ ọfuan dee, sokpan, te emwi ne uwa ru hia wa si nene ẹdẹ kẹ otọ.

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Maika 6:10

Ẹfe ne a la odẹ dan miẹn rre uwu owa emwa dan. Iran ya omwa ne ọ ta ohoghe mwa emwi, emwi ne ọ wa sọnnọ mwẹ.

Zẹfanaia 1:9

I gha rri iran hia oya ighẹ iran ni ru ugamwẹ zẹ vbe ivbi ẹbọ, iran ni rha, ni vbe do izigha ne a miẹn ehe na ye emwi ne a fu hẹ vuọn owa arowa iran; deba erẹrẹ kevbe uyinmwẹ ne ọ wegbe.

II Pita 3:5

Iran keghi ba yangbe ẹmwata na wẹ, vbe ẹghẹ ne ọ kpẹe fua, Osanobua guan rẹn, a keghi yi ẹrinmwi kevbe agbọn. Uwu amẹ ọre a ke rhie agbọn na ladian, amẹ ọre avbe ya ruẹe.