Emọs 2:9 - Edo Bible (E Baibol Ẹdo) Version 1996

⁹ “Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Emọs 2:9 ပူးပေါင်းရင်းမြစ်များ

Gẹnẹsis 15:16

Ọ gha sẹ orre enẹ, uniẹn ruẹn ke dọlegbe gha die emwa; rhunmwuda mẹ I ra khulo emwa Amọri ladian, a te do miẹn wẹẹ, iran ru emwi dan ne ọ na kei ne a rri iran oya.”

I Krọnikol 1:14

E Kenan, ọ re ọ vbe gha re erha odede ọghe emwa Jebus, Amọri, Gigasi.

Job 18:16

Inian kevbe abọ ẹre luẹluẹe, ọ vbe kaka a.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 34:11

U ghi gha lele uhi ne I gha rhie nuẹn ẹrẹna. I gha khulo iran hin odaro ruẹ rre ighẹ ivbi Amọri, e Kenan, e Hiti, e Pẹriz, e Hivi kevbe Jebus, vbene u ya nana sikẹ odaro.

Aizaia 10:33

E Nọyaẹnmwa ne Oghodua gha rrua iran guọghọ ua vbe abọ erhan ne a gia hin erhan rre. Ne ọ tọn egbe mu sẹẹ, kevbe ne ọ kpọlọ sẹẹ; vbe uwu iran, a gha gia ehia gbotọ, a ghi fa iran an.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Ezikiẹl 17:9

“Ọta ne imẹ ne Nọyaẹnmwa ne Udazi ghi nọ nian ọrọre. Azara na gha sẹtin gha rrọ ra ne ọ vbe gha wan yọ? Ẹ i re te oghohọn ne okaro ra si ẹe vbọ fua ne ọkhuọn ẹre ọmọ kua, ne ọ bunnọ ẹre abọ, ne ọ gie ehia vbe kaka a? A i vbe gualọ olẹtin ra okpẹvbo nọkhua ne ọ gha do si ẹe vbọ fua.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Nọmbas 32:13

Ohu emwa nii keghi mu e Nọyaẹnmwa, ọ keghi ya iran gha zozo la uwu ato khian la ukpo iyeva, a te do miẹn wẹ orre nii hia ni ya ohu mu ẹẹn, wulo fo fẹẹrẹ.

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 3:11

(Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)

Jọsua 10:12

Vbe ẹdẹ ne Nọyaẹnmwa rhie ne ivbi Izrẹl ne iran khọnmiotọ, vbe uhunmwu ivbi Amọri, e Jọsua keghi gu e Nọyaẹnmwa guan, ọ keghi sirra ivbi Izrẹl hia tae wẹẹ, “Owẹn, mudia hii yan Gibiọn, uki, mudia vbe odukhunmwu Iya Aijalọn.”

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.