Emọs 2:14 - Edo Bible (E Baibol Ẹdo) Version 1996

¹⁴ Ya sẹ egbe iran ni guara rhulẹ, ọkpa ne ọ ra miẹn uhunmwu i rrọọ, ẹtin gha fo iran ni wegbe avbe ivbiyokuo i ra vbe sẹtin sinmwi uhunmwu iran ye agbọn.

Emọs 2:14 ပူးပေါင်းရင်းမြစ်များ

Job 11:20

Sokpan, ọmwa dan gha ghe lẹga, egbe ghi wọ ẹre. Ọ ghi miẹn wẹ ehe ne a la miẹn uhunmwu vbọ i rrọọ. Idaehọ ọkpa ne iran mwẹ ọrọre wẹ, ẹ i mwẹ a ma ghi wu.”

Psalm 33:16

Ẹi re rhunmwuda iyokuo ẹre ne ọ wegbe, ọ re ọba na khọnmiotọ, ẹi re ekpa ẹtin obọ ẹre ọ re ovbiyokuo ya khọnmiotọ.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Jerimaia 25:35

Odẹ ọkpa ne uwa gha la miẹn uhunmwu vbọ i rrọọ.

Jerimaia 39:4

Ugbẹn vbe Zedekaia ne ọba kevbe avbe ivbiyokuo ẹre ghi miẹn vbene emwi ye hẹ, iran kegha ho ne iran lẹkua hin ẹvbo rre vbe asọn. Iran keghi la odẹ ogba ọghe ọba, iran na lele onurho ne ehe ne ekẹn ọlẹga eva na vba egbe iran na lẹẹ mu aro da odẹ Iya e Jọdan.

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Emọs 5:9

Rẹn ọ re ọ zẹ ọkhọ rruan iran ni wegbe kevbe emwi ne iran ya khẹ egbe.