Emọs 1:9 - Edo Bible (E Baibol Ẹdo) Version 1996

⁹ E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Emọs 1:9 ပူးပေါင်းရင်းမြစ်များ

II Samuẹl 5:11

E Hiram ne Ọba e Taia keghi gie avbe ukọ ẹvbo mu ẹki bu e Devid, ọ na viọ erhan igẹdu gie ẹe, kevbe avbe owinna, kevbe igbokuta, ne iran ya bọ ẹguae ẹre ne ẹẹn.

Psalm 83:7

ivbi Gẹbal, Amọn kevbe Amalẹk, kevbe Filistia kevbe Taia.

Jerimaia 47:4

Ẹghẹ sẹe nẹ ne a gha ya fuẹn e Filistia a, ne a ya giagia iyobọ ne ọ ghi te kẹe hin e Taia kevbe Saidọn rre. Mẹ ne Nọyaẹnmwa gha dunmwu e Filistin uan, iran hia ni ke eghute e Kret rre.

Ezikiẹl 27:1

E Nọyaẹnmwa keghi tama mwẹ,

Ezikiẹl 27:27

Avbe ẹfe ne u ya do ẹki hia, avbe oziguẹ ni rre okọ ruẹ, avbe owinna ni rre okọ ruẹ kevbe avbe ekhẹn ni do ẹki, ivbiyokuo ni rre okọ nii hia, ehia keghi wirua ye uwu okun. Vbe okọ ruẹ niin ye ẹzẹ.

Ezikiẹl 28:1

E Nọyaẹnmwa keghi gunmwẹ guaan wẹẹ:

Ezikiẹl 28:18

Emwi dan ọ re u wa gha ru vbe uwu ne u na dẹ kevbe ne u na khiẹn, sẹrriọ wẹ avbe ehe ne u na ru ugamwẹ keghi khian ne a murhia. Rhunmwuda ọnii, mẹ keghi mu erhẹn ye ẹvbo nii, I na gien ọnrẹn sotọ. Emwa ni ghi miẹn ọn nian gha miẹn wẹ, te a ghi ya a khian emuẹn.

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 1:6

E Nọyaẹnmwa khare wẹẹ, “Te ivbi e Gaza wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran kun emwa hia ni wa rre ẹvbo hoho kpao, iran na ya khiẹnnẹ iran eviẹn ne ivbi Idọm.

Obedaia 1:11

Te u mudia gha ghe ughe vbe ẹdẹ ne avbe eghian guọghọ onurho iran kua. Te uwa wa vbe gha re emwa dan zẹ vbene avbe orhunmwuyẹn gha ye, iran ni fu ẹfe Jerusalẹm viọ gha rrie iran na ya gba ghaa ẹre.

Zẹkaraia 9:1

Uhunmwu ne Nọyaẹnmwa giee ọ re ọna khin: Ọ mwamwa oya ne otọe Hedrak nẹ kevbe ore ẹvbo e Damaskọs. Ẹ i re ẹwae Izrẹl ọkpa ọrọre ọghe Nọyaẹnmwa sokpan, rẹn ọre ọ vbe yan igiogbẹ e Siria.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Matiu 11:22

U ghi vbe rẹn nian wẹ, ọ gha sẹ Ẹdẹ Ibuohiẹn, Osanobua gha tohan Taia kevbe Saidọn sẹ uwa.

Iyẹn ne ọ Maan Ọghe Luk 10:13

“Ọ gha ba suẹ gbe Korazin! Ọ gha ba suẹ gbe Bẹtsaida! Rhunmwuda, akpawẹ a winna iwinna ọyunnuan ne a winnaẹn vbe uwu uwẹ vbe Taia kevbe Saidọn, ẹ i re eban emwa ni rrọọ gha ghi tota lele otọ, iran ghi silo osọnmwẹ ukpọn ye egbe, iran ghi gbe emuẹn ye egbe, ne iran ya rhie ma ighe iran roiro fi ekhọe werriẹ vbe orukhọ ne iran te ru.

Iyẹn ne ọ Maan Ọghe Luk 10:14

Osanobua gha tohan Taia kevbe Saidọn sẹ uwa vbe Ẹdẹ Ibuohiẹn.