Emọs 1:8 - Edo Bible (E Baibol Ẹdo) Version 1996

⁸ I gha viọ iran ni khaemwisẹ vbe Asdọd kevbe Askẹlọn kpao, I gha rri Ẹkrọn ne ẹvbo oya. Ivbi e Filistin ni ghi kẹe hia gha wulo.”

Emọs 1:8 ပူးပေါင်းရင်းမြစ်များ

II Krọnikol 26:6

Uzaia keghi mu okuọ gie ivbi e Filistia. Ọ keghi dunmwu ekẹn ne a gbe lẹga e Gat, e Jamnia, kevbe Asdọd sotọ, ọ keghi vbe gba odin gaa ore ẹvbo eso vbe ọkpẹn Asdọd kevbe Filistia.

Psalm 81:14

I gha zẹgiẹgiẹ deyan eghian iran, I ghi vbe khọn eghian iran hia muotọ.

Aizaia 1:25

I gha ru uwa emwi, I gha kpe uwa huan zẹ vbene a ya kpe ematọn huan, I ghi viọ ivbivbi emwi ni rre uwa egbe hin rre.

Aizaia 20:1

E Sagon ne Ọgbaisi ọghe Asiria, keghi gie olotu avbe ọkaokuo ọghe Asiria ne ọ ya khọn Asdọd ne ọ rre otọ e Filistia.

Jerimaia 47:1

Vbe ọ te sẹ ẹghẹ ne ọba Igipt na mu okuo gha rrie Gaza, e Nọyaẹnmwa keghi gunmwẹ guaan vbe ekpa e Filistia.

Ezikiẹl 25:16

Rhunmwuda ọnii, te imẹ ghi ta ẹe na nian ighẹ I gha gu ivbi e Filistin gbinna, I ghi wa wabọ iran an. I gha fuẹn emwa hia ni ghi rre agbọn vbe Otọe ne ọ rriẹe ọghe Filistin.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Emọs 1:7

Rhunmwuda ọnii, I gha mu erhẹn ye ekẹn ne a gbe ga e Gaza. I gha vbe giẹn odin ne a gbe ga ẹre hia a.

Emọs 3:9

Wa tama iran ni rre ẹguae vbe Igipt kevbe Asdọd wẹẹ: “Wa ya si egbe koko ye oke ni rre ọkpẹn e Sameria ne uwa ya ghe otighi kevbe emwi dan ne iran ru vbe evba.”

Obedaia 1:18

Ivbi e Jekọb kevbe Josẹf gha ye vbe erhẹn, iran gha fuẹn ivbi Isọ ua. Vbene erhẹn giẹn ebe ne ọ kakae, ọkpa ne ọ gha miẹn uhunmwu i rre ivbi Isọ. Mẹ ne Nọyaẹnmwa ọ re ọ taa ẹe.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.

Zẹkaraia 9:6

Ivbi ẹvbo ne ọ ke eran rre ọ ke eran rre ọ re ọ ra do yin Asdọd. E Nọyaẹnmwa khare, “I gha hie iran uhunmwu rre ighẹ ivbi e Filistin ni wa hio na.

I Samuẹl 6:17

Ivbi e Filistin keghi viọ uruvba igoru gie Nọyaẹnmwa zẹ vbe emwi izọese ye orukhọ iran, ọkpọkpa vbọ kegha re ọghe Asdọd, e Gaza, Askẹlọn, e Gat kevbe Ẹkrọn.