Emọs 1:6 - Edo Bible (E Baibol Ẹdo) Version 1996

⁶ E Nọyaẹnmwa khare wẹẹ, “Te ivbi e Gaza wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran kun emwa hia ni wa rre ẹvbo hoho kpao, iran na ya khiẹnnẹ iran eviẹn ne ivbi Idọm.

Emọs 1:6 ပူးပေါင်းရင်းမြစ်များ

II Krọnikol 28:18

Vbe uwu ẹghẹ ọkpa na, ivbi e Filistia keghi vbe gha mu okuọ yo avbe ẹvbo ni rre ototọ oke vbe odẹ orrie kevbe odẹ ekẹn e Juda iran keghi khọn mu e Bẹt Siemẹs, Aijalọn kevbe Gẹdẹrọt kevbe avbe ore nekhua ighẹ Soko, Timna kevbe Gimzo deba igue ni lẹga iran. Iran keghi wa yin evba ọghe etẹbitẹ.

Jerimaia 47:1

Vbe ọ te sẹ ẹghẹ ne ọba Igipt na mu okuo gha rrie Gaza, e Nọyaẹnmwa keghi gunmwẹ guaan vbe ekpa e Filistia.

Ezikiẹl 35:5

“Oghian ne ẹ i mwẹ erọkhọrọkhọ ọ re uwa gha khin Izrẹl re, wa keghi gie emwa gha lọkọ emwa rẹn vbe ẹghẹ odekun ẹrhia; ẹghẹ ne a na rria ẹre ikhi ọfovbotọ ye orukhọ ne ọ ru.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Joẹl 3:6

Wa viọ ivbi e Juda kevbe Jerusalẹm, wa na viọ iran khian rrei, wa na ya khiẹnnẹ iran ne ivbi e Grik.

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 1:3

E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Emọs 1:7

Rhunmwuda ọnii, I gha mu erhẹn ye ekẹn ne a gbe ga e Gaza. I gha vbe giẹn odin ne a gbe ga ẹre hia a.

Emọs 1:9

E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Obedaia 1:11

Te u mudia gha ghe ughe vbe ẹdẹ ne avbe eghian guọghọ onurho iran kua. Te uwa wa vbe gha re emwa dan zẹ vbene avbe orhunmwuyẹn gha ye, iran ni fu ẹfe Jerusalẹm viọ gha rrie iran na ya gba ghaa ẹre.

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

I Samuẹl 6:17

Ivbi e Filistin keghi viọ uruvba igoru gie Nọyaẹnmwa zẹ vbe emwi izọese ye orukhọ iran, ọkpọkpa vbọ kegha re ọghe Asdọd, e Gaza, Askẹlọn, e Gat kevbe Ẹkrọn.