Emọs 1:3 - Edo Bible (E Baibol Ẹdo) Version 1996

³ E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Emọs 1:3 ပူးပေါင်းရင်းမြစ်များ

I Ọba 19:17

Ọmwa ne obọ e Hazaẹl ma vba ya gbe ua, e Jehu ghi gbe ẹe rua, ọmwa ne ọ vbe lẹ e Jehu fe, Elaisia ghi gbe ẹe rua.

II Ọba 13:3

Ẹre ohu Izrẹl na mu e Nọyaẹnmwa, ọ na gie Hazaẹl ne ọba e Siria kevbe Benhadad ne ovbi ẹre gha khọn miẹn Izrẹl otọ yan egbe.

II Ọba 13:7

E Jehoahaz ma ghi gha mwẹ emwi igbinna gberra arhin ekigbesiyeha ni hin ẹsin, ikẹkẹ okuo igbe, kevbe arhin arriaisẹn igbe (10,000) ni ye owẹ khian, rhunmwuda, ọba e Siria dunmwu enekpa a, ọ na gha ya owẹ rrilo iran ginna otọ zẹ vbe ekẹn.

II Ọba 16:9

E Tiglat Pailesa keghi khuẹnniẹn ye Ehaz re, ọ na viọ ivbi iyokuo ẹre gha rrie Damaskọs, ọ na khọn ẹnrẹn, ọ na gbe Rẹzin ne ọba a, ọ na viọ emwa nii oghunmwu gha rre Ka.

II Ọba 8:12

E Hazaẹl keghi nọ rẹn wẹẹ, “Vbọzẹ ne u na viẹ yi enọwanrẹn?” Elaisia keghi wanniẹn wẹẹ, “Rhunmwuda, I miẹn emwi ne ọ wegbe ne u ra ru ivbi Izrẹl re. U gha rhu erhẹn ye owa ọkhẹ iran, u ghi rẹnkhẹn nii maa sẹẹ vbe igbama iran, u ghi dunmwu ivbi iran an, u ghi vbe wọlọ akpa hin ẹko ikhuohanmwẹ rre.”

Job 19:3

Kugba kẹghẹre ọ re uwa ya tie ihẹn mẹ ekhue ẹbọ ne uwa tie mẹ i vbe mu uwa.

Job 5:19

Kugbakẹghẹrẹ ọ re ọ ya miẹn ruẹn fan hin ikuan egbe rre.

Itan 6:16

Emwi ihinrọn ọre Nọyaẹnmwa i ho, ẹ i vbe rhie otọ ne iran hiehiere: Ekhọe itengbemu, aranmwẹ ne ọ ta ohoghe, obọ ne ọ gbe ọmwa ne ọ ma rukhọ, ekhọe ne ọ mwamwa emwi dan, owẹ ne ọ rhulẹ ye ọkhọ ne a ru, osẹe ne ọ wa ta ohoghe yan ohoghe, kevbe ọmwa ne ọ si ẹti fi ẹkpo avbe ẹse.

Asan-Ibo 11:2

Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.

Aizaia 28:27

Ẹ i ye ovbi odo nọkhua gbe ogi ra erhẹrhẹ, sokpan, ọ ghi gha lo erhan ne ọ ma kpọlọ gbe ne ọ wa vbe rre ihe.

Aizaia 41:15

I gha ya uwa ru uhanhan ne a ya wiẹn emwi ne a halọ ise ọgbọn ni mu yi, wa gha wiẹn oke nekhua, wa gha rhia iran an. Avbe oke negiẹrẹ wiẹghua khian ebubẹ.

Aizaia 7:16

Uhin vbe ọ te sẹ ẹghẹ ne a kha na, emwa gha lẹ kua vbe otọe avbe ọba eveva ni runran uwẹ na.

Aizaia 7:8

Vbọzẹ? Rhunmwuda, e Siria ma wegbe sẹ e Damaskọs ne igiogbe ọ re, e Damaskọs ma vbe wegbe sẹ e Rezin ne Ọba. Sokpan, zẹ vbe ọghe Izrẹl, vbe ọ te do sẹ ukpo isẹn yan iyeha, iran gha zanzan ẹẹn ruan sẹrriọ wẹ, ẹ i ghi sẹtin guakpao do gha re uhunmwu ẹvbo ẹdẹ.

Aizaia 8:4

Ọmọ na ghi te wan sẹ ne ọ gha na gha tie ‘Iye’ tie ‘Ebaba’, ẹfe ni rre Damaskọs kevbe emwi ne a furu vbe Sameria hia gha khian ne ọba Asiria hẹ gha rrie.”

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Emọs 1:6

E Nọyaẹnmwa khare wẹẹ, “Te ivbi e Gaza wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran kun emwa hia ni wa rre ẹvbo hoho kpao, iran na ya khiẹnnẹ iran eviẹn ne ivbi Idọm.

Emọs 1:9

E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Emọs 2:1

E Nọyaẹnmwa khare wẹẹ, “Te ivbi e Moab wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran wa ye ugboloko avbe Idọm khian ne a ma ya ọghọ na, vbe ekpa ne iran na giẹn iran vbe erhẹn ya khian emuẹn.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Emọs 2:6

E Nọyaẹnmwa khare wẹẹ, “Te ivbi Izrẹl wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran khiẹnnẹ iran eviẹn ighẹ emwa ẹmwata ni ma sẹtin ha osa ne iran re, avbe ivbiogue ne ẹ i ra miẹn igho ya ha osa ibata e esanda.

Zẹkaraia 9:1

Uhunmwu ne Nọyaẹnmwa giee ọ re ọna khin: Ọ mwamwa oya ne otọe Hedrak nẹ kevbe ore ẹvbo e Damaskọs. Ẹ i re ẹwae Izrẹl ọkpa ọrọre ọghe Nọyaẹnmwa sokpan, rẹn ọre ọ vbe yan igiogbẹ e Siria.

Zẹkaraia 9:2

E Hamat ne ọ rre ọkpẹn Hedrak, rẹn ọ vbe yan rẹn, erriọ vbe nọ ne Saidọn kevbe Taia deba iguemwi iran hia.