Emọs 1:2 - Edo Bible (E Baibol Ẹdo) Version 1996

² Emọs khare wẹẹ, “E Nọyaẹnmwa van okan ke Oke Zaiọn rre, urhu ẹre vanhiẹn ke Jerusalẹm rre. Avbe ehe ne aranmwẹ na rria hia giẹn uan.”

Emọs 1:2 ပူးပေါင်းရင်းမြစ်များ

Psalm 29:4

A họn urhu e Nọyaẹnmwa, vbe uwu ẹtin kevbe uyi ẹre hia.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Itan 20:2

Lẹ ne ọba ne ohu mu, zẹ vbene u gha lẹ ne oduma ne ọ tu utumwẹ ohanmwẹ. Ọmwa ne ọ ya ohu mu ẹẹn ọ re ọ gbe egbe ẹre.

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 42:13

E Nọyaẹnmwa ladian ne ọ ya gbinna zẹ vbe ovbiyokuo ọ mu egbe nẹ, te ọ ghi khẹ nene okuo, ọ tu utumwẹ okuo, ugomwẹ igbinna ọ rhie ẹtin ẹnrẹn ma vbe egbe avbe eghian rẹn.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 14:2

“Juda rre akhiẹ avbe okpẹvbo ẹre hia wulo khian, emwa rẹn lovbiẹ lele otọ iran gha khiẹ, e Jerusalẹm gha go gualọ iyobọ.

Jerimaia 25:30

“Wẹ ne Jerimaia, ghẹ mwẹ u ma ta uhunmwu ne I gie hia. U ghi tama avbe emwa na wẹẹ, “ ‘E Nọyaẹnmwa gha davan ke ẹrinmwi rre ọ ghi vbe van avan ke ehe ne ọ yo vbe odukhunmwu ẹrinmwi rre, ọ gha van mu emwa rẹn, ọ gha da van vbe okpia ne okpia ne ọ minọ ọmọ erhan ne a ya ru ayọn. Emwa hia ni rre agbọn gha họn urhu ẹre.

Jerimaia 28:8

Avbe akhasẹ ni guanrẹn vbe ẹghẹ ne ọ kpẹre ne ọ gberra vbe ọ ma he sẹ ẹghẹ imẹ vbe ruẹ tae wẹ, okuo, ukhunmwu kevbe emianmwẹ gha sẹ egbe uhunmwu ẹvbo ni bun kevbe avbe arriọba ni mwẹ ẹtin.

Jerimaia 50:19

“I gha viọ ivbi Izrẹl dọlegbe gha die otọ iran. Iran gha re vbe emwiokọ ne ọ zọ vbe Oke Kamẹl, kevbe otọe Basian, iran ghi vbe rri enọrhirhi khọn iran vbe emwiokọ ne a miẹn vbe otọe Ifreim kevbe Giliad.

Hozia 11:10

“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee.

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Joẹl 1:19

I viẹ bu ruẹ rre Nọyaẹnmwa, rhunmwuda, otọe, irunmwu, kevbe avbe erhan hia kaka a. Ze vbe ne a miẹn wẹ erhẹn ọ to vbọ.

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?

Joẹl 3:16

E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.

Emọs 9:3

Iran gha ya lẹre ye odukhunmwu Oke Kamẹl, te I gualọ iran mu. Iran gha lẹre mẹ vbe ototọ okun, I ghi tama Ugbogiorinmwi amẹ ne ọ fian iran re.

Nahum 1:4

Ọ gu okun guan ọ keghi ka mu otọ! Ọ ru ẹe ne avbe ẹzẹ ka mu otọ. Oha ni rre Basan luẹluẹe. Te Oke Kamẹl ghi ba rriẹrriẹ, obobo ni rre Lebanọn fafaa.

I Samuẹl 25:2

Okpia ọkpa kegha rrọ vbe ẹwae Keleb, a keghi tie eni ẹnrẹn Nabal. Ovbi ẹvbo ne a tie ẹre Moan nọ, sokpan, ẹvbo ne a tie ẹre Kamẹl ọ re ọ na gha winna ọ keghi re ọmwa ne ọ fe ẹsẹse, ọ kegha mwẹ ohuan arriaisẹn eha (3,000) kevbe ẹwe arriaisẹn (1,000). A kegha tie ọvbokhan rẹn Abigẹl, okhuo na keghi wa mose, ẹwaẹn vbe gba ne ẹẹn, sokpan ọdafẹn ọnrẹn kegha re ọmwa oya ne egbe balọ. E Nabal keghi gia eto ohuan ẹnrẹn vbe kamẹl,