Emọs 1:14 - Edo Bible (E Baibol Ẹdo) Version 1996

¹⁴ Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 1:14 ပူးပေါင်းရင်းမြစ်များ

II Samuẹl 11:1

Amẹ ghi da suẹn gha rhọ vbe ukpo ne ọ lele ẹe, vbe ẹghẹ ne avbe ọba ya yo okuo, e Devid keghi gie Joab kevbe emwa rẹn ni rre asẹ kevbe ivbiyokuo Izrẹl ladian, iran keghi hẹ rhu ivbi Amọn, iran na dunmwu ẹvbo ne a tie ẹre Raba muotọ. Sokpan, e Devid kegha rre Jerusalẹm.

II Samuẹl 12:26

Vbe uwu ẹghẹ ne a kha na, e Joab keghi ye gha khọn e Raba ne igiogbẹ Amọn khian, te ọ ghi ra khọn mu ẹẹn fo.

II Samuẹl 12:31

ọ viọ emwa ni rrọ, ọ na viọ ọsara ye iran obọ ne iran ya gha winna, ẹguẹ ematọn, kevbe ughanmwa, ọ na ya iran gha mannọ ibiriki. Erriọ ọ re ọ wa vbe ru emwa ẹvbo ni rre Amọn hia. Iyeke ọnii, rẹn kevbe emwa rẹn kegha die Jerusalẹm.

I Krọnikol 20:1

Ọ ghi bu ẹghẹ orhọ ne ọ lele ẹe, ẹghẹ ne avbe ọba na mobọ ho ne iran ya gbinna ukpukpo, e Joab keghi viọ ivbiyokuo ladian, ọ na mu igbinna gha rrie Amọn. Sokpan e Devid ma kpao vbe Jerusalẹm. Iran keghi dekun ẹvbo ne a tie ẹre Raba, iran khọn rẹn, iran na dunmwu ẹn ruan.

Job 39:25

Ẹghẹ ne okpe a rhirhi ya davan, iran ghi tin ihin; iran i he sẹ ehe ne okuo ye, ọ kegha wia so iran, iran vbe họn ẹmwẹ ne ọkaokuo vannọ ya dia igbinna.

Psalm 83:15

Ya okpẹhoho ruẹ khulo iran kua ne u vbe ya ẹhoho ọbanabe ruẹ runran iran.

Aizaia 29:6

e Nọyaẹnmwa ne Oghodua gha ya okpẹhoho ne ọ wegbe kevbe ighohiotọ miẹn uwa fan, ọ gha gie ẹhoho amẹ kevbe erhẹn ne ọ to khian,

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 9:5

Ibata avbe iyokuo ni mu okuo dee kevbe ẹwu iran ne esagiẹn gbe yi hia erhẹn gha giẹn ehia a.

Jerimaia 23:19

Okpẹhoho ọ re ohu ẹre khin, ẹhoho ne ọ wegbe ne ọ gha khọn la uhunmwu avbe emwa dan.

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Ezikiẹl 21:20

Ọkpa ghi gie odẹ ne ọ rrie Raba ne ẹvbo Amọn ma ọba, nọkpa ghi ma ẹre ne ọ rrie Jerusalẹm ne ẹvbo ne a gbe odin ga vbe Juda.

Ezikiẹl 21:22

Ẹn hẹn! Obọ erha ọmwa rẹn gua ifẹnmwẹ ne a gbẹn ‘Jerusalẹm’ yi rhie. Ọ tama rẹn wẹ ne ọ ya yọ emwi igbinna, ne ọ ya go ugomwẹ okuo, ne ọ mwamwa emwi igbinna yo odẹ ne a la larọ, ne ọ tọnnọ ekẹn gbe odẹ ke ne ọ tọnnọ uvun yọ.

Ezikiẹl 21:25

“Wa ne emwa dan ni ma huan ni khaemwisẹ yan Izrẹl. Ẹdẹ uwa dee, ẹdẹ ne a gha rri uwa oya ne okiekie.

Ezikiẹl 25:5

I gha ya ore Raba khian ne a ya rri ekẹtẹkẹtẹ, otọe Amọn hia gha vbe khian ehe ne a na koko avbe ohuan, ne uwa miẹn ehe na rẹn wẹ mẹ ọrọre Nọyaẹnmwa.

Ezikiẹl 25:7

Rhunmwuda ne uwa na ru vberriọ, I gha viọ uwa ne emwa ẹvbo ọvbehe, iran gha rha uwa, iran gha vbe fu uwa emwi hẹ. I gha dunmwu uwa a sẹrriọ wẹ, wa i ghi sẹtin dọlegbe gha re uhunmwu ẹvbo ọvbehe, ra ne uwa ye gha mwẹ otọe ẹvbo ne ọ re ọwua. Ẹghẹ nii, wa gha rẹn ighẹ mẹ ọrọre Nọyaẹnmwa.”

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Emọs 2:2

I gha rhu erhẹn ye otọe Moab, I ghi vbe giẹn odin e Keriọt. Uwu owogho okuo, ọre ivbi e Moab ra wulo yi, ehe ne ivbiyokuo na goo, avbe okpe vbe tu.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Diuteronomi 3:11

(Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)