Emọs 1:13 - Edo Bible (E Baibol Ẹdo) Version 1996

¹³ E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Emọs 1:13 ပူးပေါင်းရင်းမြစ်များ

II Samuẹl 12:31

ọ viọ emwa ni rrọ, ọ na viọ ọsara ye iran obọ ne iran ya gha winna, ẹguẹ ematọn, kevbe ughanmwa, ọ na ya iran gha mannọ ibiriki. Erriọ ọ re ọ wa vbe ru emwa ẹvbo ni rre Amọn hia. Iyeke ọnii, rẹn kevbe emwa rẹn kegha die Jerusalẹm.

II Ọba 15:16

E Menahem ghi ke Tiza dee, ọ na wa dunmwu ẹvbo ne a tie ẹre Tapua sẹ otọ, kevbe emwa ni rrọọ kevbe ẹvbo ni lẹga ẹre hia rhunmwuda ẹvbo nii ma de igue ne ẹẹn. Uhin ighẹ te ọ va avbe okhuohanmwẹ ẹko.

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

II Ọba 8:12

E Hazaẹl keghi nọ rẹn wẹẹ, “Vbọzẹ ne u na viẹ yi enọwanrẹn?” Elaisia keghi wanniẹn wẹẹ, “Rhunmwuda, I miẹn emwi ne ọ wegbe ne u ra ru ivbi Izrẹl re. U gha rhu erhẹn ye owa ọkhẹ iran, u ghi rẹnkhẹn nii maa sẹẹ vbe igbama iran, u ghi dunmwu ivbi iran an, u ghi vbe wọlọ akpa hin ẹko ikhuohanmwẹ rre.”

II Krọnikol 20:1

Vbe ọ ma ghi kpee gbe, avbe ivbiyokuo e Moab, Amọn kevbe iran ni deba iran ighẹ Meun, keghi mu okuọ gha rrie Juda.

II Krọnikol 20:10

“Banbanna nian, ivbi Amọn, e Moab kevbe Idọm mu okuọ bu ima rre. Ẹghẹ ne avbe erha mwa odede na gha ke Igipt dee, u ma gie iran la avbe otọe nii, rhunmwuda ọnii, avbe erha mwa odede keghi fian odẹ la ẹe ban, iran ma fuẹn iran uan.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Psalm 83:7

ivbi Gẹbal, Amọn kevbe Amalẹk, kevbe Filistia kevbe Taia.

Aizaia 5:8

Ọghe uwa fo nẹ! Wa gha dẹlẹ owa ọvbehe kevbe ugbo ọvbehe, ne uwa viọ ba ne uwa ka mwẹ. Ẹ i ghi rre gbe ban, emwa ọvbehe i ghi miẹn ehe dia, wa ọkpa ọ re ọ ghi ra gha rre otọe nii.

Ezikiẹl 21:28

“Ovbi ọmwa, guan zẹvbe akhasẹ, ta ẹe ladian wẹ mẹ ne Nọyaẹnmwa ne Udazi ọ re ọ tama ivbi Amọn ni kpa unu ghe Izrẹl, tama iran wẹẹ, ‘Umozo mu egbe nẹ ọ ra ya fuẹn emwi. A kpee ẹe nẹ ọ gha gbe emwi, ne ọ gha fi wain zẹ vbe ayan,

Ezikiẹl 25:1

E Nọyaẹnmwa keghi gunmwẹ guaan wẹẹ,

Ezikiẹl 35:10

U khare wẹ otọe eva ni ighe Izrẹl kevbe Juda, deba otọe iran hia ighe ọwuẹ nọ, kevbe wẹ te u ra munọ iran ya khian ọwuẹ, a gha rhe miẹn wẹ mẹ ọrọre Osanobua iran.

Hozia 13:16

Te a gha rri e Sameria oya ye ne ọ na sọtẹ mwẹ. Emwa rẹn gha wulo ye okuo, a gha viọ avbe emobọ fianmwẹ otọe, a ghi va avbe ikhuohanmwẹ ẹko.”

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Emọs 1:3

E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Diuteronomi 2:19

Ẹghẹ nii, wa ghi do sikẹ otọ emwa Amọn ni re ivbi uniẹn e Lọt. Wa ghẹ kpokpo iran, wa ghẹ gu iran khọn rhunmwuda mẹ ira mu ne uwa vbe otọ ne I mu ne iran nẹ.”