Emọs 1:11 - Edo Bible (E Baibol Ẹdo) Version 1996

¹¹ E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 1:11 ပူးပေါင်းရင်းမြစ်များ

II Krọnikol 20:10

“Banbanna nian, ivbi Amọn, e Moab kevbe Idọm mu okuọ bu ima rre. Ẹghẹ ne avbe erha mwa odede na gha ke Igipt dee, u ma gie iran la avbe otọe nii, rhunmwuda ọnii, avbe erha mwa odede keghi fian odẹ la ẹe ban, iran ma fuẹn iran uan.

II Krọnikol 20:11

Ọna ọ re iran ghi ya san ima ẹse nian, iran rre ne iran do khulo ima hin otọe ne uwẹ mu ne ima rre.

Psalm 137:7

Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

Psalm 85:5

Te u ra wa gha mu ohu ghe ima ẹdẹdẹmwẹdẹ ra? Ohu ruẹ i ra vbe fo ẹdẹ ra?

Asan-Ibo 7:9

Ohu gha mu ẹẹn, ziengbe ẹre, uyinmwẹ ọzuọ nọ ne a gha rhie emwi ne ọ sọnnọ ọmwa ye ekhọe.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Hozia 8:3

iran he emwi ne ọ maa yotọ nẹ. Rhunmwuda emwi na, avbe eghian iran gha zẹ iran khu.

Joẹl 3:19

“Igipt gha khian ato kevbe Idọm ne ẹvbo, gha vbe khian itowa, rhunmwuda, iran mu okuo ye e Juda, iran keghi gbele emwa ni ma rẹn ọkpa ọma rẹn eva ni rrọọ.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Malakai 1:2

E Nọyaẹnmwa tama emwa rẹn wẹẹ, “Te I wa ho ẹmwẹ ruẹn ẹdẹdẹmwẹdẹ.” Sokpan, iran wanniẹn wẹẹ, “Vbe u a ghi ya rhiema hẹ ighe u gele ho ẹmwẹ mwa?” E Nọyaẹnmwa wanniẹn wẹẹ, “Etẹn ọkpa ọ re Isọ kevbe Jekọb gha khin, sokpan mẹ keghi hoo ẹmwẹ e Jekọb kevbe ivbi uniẹn ọnrẹn.

Malakai 1:4

Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”

Ẹfisọs 5:1

Vbene a na miẹn ighẹ ivbi Osanobua ne ọ ghan wa khin, te uwa gha hia ne uwa gha ye vbe irẹn.

Diuteronomi 23:7

“Wa ghẹ sọnnọ ivbi Idọm, etẹn uwa iran khin. Wa ghẹ sọnnọ ivbi Igipt rhunmwuda wa ka di otọ iran ya ẹghẹ ọkpa.