Ẹksọdọs 9:34 - Edo Bible (E Baibol Ẹdo) Version 1996

³⁴ Ugbẹn vbe ọba ghi miẹn wẹ amẹ ne ọ rhọ, kevbe avan ne ukhunmwu da obọ yi nẹ, ọ kevbe dọlegbe ru khọ, rẹn vbe ekhaẹmwẹ ọnrẹn keghi ye yin ehọ.

Ẹksọdọs 9:34 ပူးပေါင်းရင်းမြစ်များ

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 7:14

Ẹre Nọyaẹnmwa na tama e Mosis wẹẹ, “Ọba yin ehọ gbe, ọ ma gie emwa na kpao.

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 9:33

E Mosis keghi kpao vbe ehe ne ọba Igipt ye rre, ọ na la ore ẹvbo. Ọ keghi viọ obọ da odukhunmwu ọ na erhunmwu ghe Nọyaẹnmwa, avan ne ukhunmwu kevbe ayan keghi da obọ yi yi, amẹ ne ọ rho kevbe da obọ yi.

Ẹksọdọs 9:35

Ọba ma gie ivbi Izrẹl gha khian, zẹ vbene e Nọyaẹnmwa wa ta ẹe ye otọ zẹẹ.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

I Samuẹl 6:6

Vbọzẹ ne uwa gha na ze vbe ẹkoko udu zẹ vbe ne ọba Igipt, kevbe emwa Igipt ye? Yerre vbene Osanobua zuọzuọ iran hẹ, iran te do gie ivbi Izrẹl kpa vbe Igipt rre.