Ẹksọdọs 9:28 - Edo Bible (E Baibol Ẹdo) Version 1996

²⁸ Na erhunmwu ghe Nọyaẹnmwa! Egbe avan ne ukhumwu kevbe ayan na wọ mwa. I yan ighẹ 1 gha gie uwa gha khian, wa i ghi khian mudia kpẹe sẹ ona.”

Ẹksọdọs 9:28 ပူးပေါင်းရင်းမြစ်များ

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

Ẹksọdọs 10:17

Banbanna nian, lahọ ya orukhọ mwẹ bọ mwẹ uhukpa na ne uwa na erhunmwu ghe Nọyaẹnmwa ne Osanobua uwa ne ọ mu irriaikhi ne ọ gbe ọmwa uhunmwu na hin mwẹ egbe rre.”

Ẹksọdọs 10:24

Ọba keghi tie Mosis, ọ keghi khama rẹn wẹẹ, “Wa sẹtin gha khian ya ga e Nọyaẹnmwa, avbe amwẹ uwa kevbe ivbi uwa sẹtin lele uwa gha khian, sokpan ama wẹ avbe ohuan, ẹwe kevbe ẹmila uwa, a ghi sẹ eni rae ye edinran.”

Ẹksọdọs 10:8

Ẹre iran na dọlegbe viọ e Mosis kevbe Errọn bu ọba Igipt gha dee, rẹn keghi tama iran wẹẹ, “Wa sẹtin gha khian ne uwa ya ga e Nọyaẹnmwa ne Osanobua uwa, sokpan, gha ọ khian vbọ?”

Ẹksọdọs 11:1

E Nọyaẹnmwa keghi tama e Mosis wẹẹ, “Oya ọkpa kẹkan ọre I ghi ra rri ọba Igipt kevbe ivbi Igipt re. Iyeke ọnii, ọ gha gie uwa kpao. Vbe ne ẹmwata ẹghẹ ne ọ gha na gie uwa kpao, te ọ ra khulo uwa ladian mwa.

Ẹksọdọs 8:25

Ẹre ọba na tie Mosis kevbe Errọn, ọ wẹẹ, “Wa gha khian ya zọ ese ghe Osanobua uwa vbe ore ẹvbo na”

Ẹksọdọs 8:28

Ọba keghi kha wẹẹ, “I gha gie uwa ya zọ ese ghe Nọyaẹnmwa Osanobua rua vbe ato a deghẹ wa ma khian rrei gbe. Wa na erhunmwu mẹ.”

Ẹksọdọs 8:4

Iran ghi gha san yan ruẹn, ekhaẹmwẹ ruẹn kevbe emwa ruẹn hia.” ’ ”

Ẹksọdọs 8:8

Ọba keghi tie Mosis kevbe Errọn, ọna wẹẹ, “Wa na erhunmwu ghe Nọyaẹnmwa ne ọ viọ avbe ẹkirẹ hin imẹ kevbe emwa mwẹ egbe rre, I gha gie emwa uwa gha khian ne iran ya zọ ese ghe Nọyaẹnmwa.”

Jerimaia 21:2

“Lahọ, wa gu e Nọyaẹnmwa guan ne ima, rhunmwuda, e Nebukiadneza ne ọba e Babilọn kevbe ivbiyokuo ẹre ghae ga ẹvbo nẹ. U gha ghe, e Nọyaẹnmwa gha winna ọkpa vbe uwu avbe iwinna ọyunnuan rẹn ne ima, ọ ghi ru ẹe ne Nebukiadneza werriegbe.”

Nọmbas 21:7

Emwa ni keghi bu e Mosis gha dee, iran tama rẹn wẹẹ, “Ma ru orukhọ ne ima na gha filo unu gie Nọyaẹnmwa kevbe uwẹ. Banbanna nian, na erhunmwu ghe Nọyaẹnmwa ne ọ viọ avbe ẹyẹn kpao.” Ẹre Mosis na na erhunmwu ne emwa nii.

Iwinna 8:24

Saimọn tama Pita kevbe Jọn wẹẹ, “Lahọ wa rinmwian Nọyaẹnmwa mẹ ne emwi ne uwa tae na rhọkpa ghẹ sunu vbe egbe mwẹ.”

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”