Ẹksọdọs 9:26 - Edo Bible (E Baibol Ẹdo) Version 1996

²⁶ Ikinkin e Gosiẹn, ehe ne avbe ivbi Izrẹl ye ọkpa ọre a ma na họn ẹmwẹ avan ne ukhunmwu.

Ẹksọdọs 9:26 ပူးပေါင်းရင်းမြစ်များ

Ẹksọdọs 10:23

Ivbi Igipt i ghi sẹtin dẹghe egbe. Ne ọ vbe kpao vbe owa ẹre rre vbe ikpẹdẹ eha ẹi rrọ, sokpan uwanmwẹ ke gha rre ehe ne ivbi Izrẹl ye hia.

Ẹksọdọs 11:7

Sokpan vbe ehe ne avbe ivbi Izrẹl ye, ekita i ra gbọ ọmwa ra emwirri rhọkpa vbọ, ne uwa miẹn ehe na rẹn wẹ e Nọyaẹnmwa rhie alughaẹn ye ẹkpo ivbi Igipt kevbe ivbi Izrẹl.’ ”

Ẹksọdọs 12:13

Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Ẹksọdọs 8:19

Avbe ọbo edunna keghi tama ọba wẹẹ, “Osanobua ọre ọ ru emwi na!” Sokpan ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 9:4

I gha rhie alughaẹn ye ẹkpo emwirri ivbi Izrẹl kevbe emwirri ivbi Igipt. Ọkpa i ra wu vbe uwu emwirri ivbi Izrẹl.” ’ ”

Ẹksọdọs 9:6

Vbe ikpẹdẹ ne ọ lele ẹe, e Nọyaẹnmwa keghi ru zẹ vbene ọ khare, emwirri ivbi Igipt hia keghi wulo, sokpan ne ọ wu vbe emwirri ivbi Izrẹl i rrọọ.

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.