Ẹksọdọs 9:24 - Edo Bible (E Baibol Ẹdo) Version 1996

²⁴ Avan ne ukhunmwu nọ wo vbe egbe kegha dele, ayan na gha yan rhai rhai gbe okin lẹga. Avan ne ukhumwu ne ọ wo vbe egbe sẹ ne Igipt he miẹn ke ne a ya bu ẹre nọ.

Ẹksọdọs 9:24 ပူးပေါင်းရင်းမြစ်များ

Job 38:23

I viọ iran ye otọ khẹ ẹghẹ asobọyegbe, ẹdẹ igbinna kevbe okuo.

Psalm 105:32

Ọ gie avan nukhunmwu, kevbe ayan ye otọe ni, ye ihe amẹ ne ọ rhọ.

Psalm 18:13

Ẹkpo nii, e Nọyaẹnmwa keghi van avan ke iso rre. A keghi họn urhu Ne ọ yo sẹẹ Ehia.

Ẹksọdọs 10:6

Iran gha vuọn ẹguae ruẹ hia kevbe owa avbe ekhaẹmwẹ ruẹn kevbe emwa ruẹn hia, iran gha khọ sẹ emwikemwi ne avbe erha uwa he ka miẹn. Ọba keghi fi ọdelegbe, ọ na kpao.’ ”

Ẹksọdọs 9:18

Danmwehọ, ẹghẹ na vbe ẹdẹnakhuẹ, I gha tue avan ne ukhunmwu ku otọ, egbe ne Igipt ma hiẹ miẹn ẹdẹ ke ne a ya bu ẹre.

Ẹksọdọs 9:23

Ẹre Mosis na niẹn ọkpọ ẹre da iso. E Nọyaẹnmwa na rhọ avan ne ukhunmwu kevbe ayan ku otọe. E Nọyaẹnmwa na rhọ avan ne ukhunmwu yan Igipt.

Ẹksọdọs 9:25

Avan ne ukhunmwu kegha dunmwu emwi hia nii ghi rre adesẹ ore sẹ otọ vbe Igipt hia, emwa hia kevbe emwirri hia. Ọ na gha siẹn rhu erhan nii rre oha hia, ọ na dunmwu erhan hia a.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Ezikiẹl 1:4

Mẹ keghi tọn aro mu, I na ya bẹghe vbe okpẹhoho hoho ke odẹ okuo dee. Ayan kegha yan ke uwu okuku amẹ nọkhua ladian, iso ne ọ lẹga ẹre kegha fi wainwain. Ehe ne ayan nii ke yan ladian, emwi okpa keghi rrọ ne ọ yan kpoo zẹ vbe oze.

Ezikiẹl 13:13

Banbanna nian, vbenian ọ re Nọyaẹnmwa ne Udazi khare: “Vbe uwu ohu ne ọ mu mwẹ, I gha gie okpẹhoho, okpamẹ kevbe isan avan ni dele, ne iran dunmwu ekẹn nii uan.

Matiu 24:21

Rhunmwuda ọkhọ ne ọ ra sunu ẹdẹnẹdẹrriọ keghi re egbe ne a ma he miẹn ke ne abuagbọn tuagbọn gha dee do sẹ ẹdẹnẹrẹ na. A i ra vbe dọlegbe miẹn egbe ọre ẹdẹ.