Ẹksọdọs 9:23 - Edo Bible (E Baibol Ẹdo) Version 1996

²³ Ẹre Mosis na niẹn ọkpọ ẹre da iso. E Nọyaẹnmwa na rhọ avan ne ukhunmwu kevbe ayan ku otọe. E Nọyaẹnmwa na rhọ avan ne ukhunmwu yan Igipt.

Ẹksọdọs 9:23 ပူးပေါင်းရင်းမြစ်များ

Gẹnẹsis 19:24

E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

Job 37:13

Osanobua giẹ amẹ ne ọ do gbe khakha otọ, ọ sẹtin giee ne ọ do rri emwa oya, ra ne ọ do ru iran ẹse.

Psalm 147:17

Ọ gie ikpamẹ ne ọ zeze zẹvbe ikpokuta rre, a i miẹn ọmwa ne egbe ẹre gha sẹtin rrọ ọnii ne ọ zẹ rre!

Psalm 148:8

Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

Psalm 18:13

Ẹkpo nii, e Nọyaẹnmwa keghi van avan ke iso rre. A keghi họn urhu Ne ọ yo sẹẹ Ehia.

Psalm 29:3

A họn urhu e Nọyaẹnmwa vbe uhunmwu avbe okun, Osanobua uyi davan, urhu ẹre keghi migbo la okun hia gba.

Psalm 77:18

Ukhuarhamwẹ avan nukhunmwu ruẹn werriẹ ladian, asan ọghe ayan; keghi viọ asan uwanmwẹ ọnrẹn yan otọ agbọn; otọ agbọn mu rueghe ọ ke gha mian.

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Ẹksọdọs 20:18

Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Ẹksọdọs 9:18

Danmwehọ, ẹghẹ na vbe ẹdẹnakhuẹ, I gha tue avan ne ukhunmwu ku otọ, egbe ne Igipt ma hiẹ miẹn ẹdẹ ke ne a ya bu ẹre.

Ẹksọdọs 9:24

Avan ne ukhunmwu nọ wo vbe egbe kegha dele, ayan na gha yan rhai rhai gbe okin lẹga. Avan ne ukhumwu ne ọ wo vbe egbe sẹ ne Igipt he miẹn ke ne a ya bu ẹre nọ.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Ezikiẹl 38:22

I gha ye emianmwẹ kevbe ukpọba gu ẹe khọn. Okpamẹ kevbe okpẹhoho, deba erhẹn kevbe ugbofi, ehia gha rhurhẹ yan rẹn kevbe ivbiyokuo ẹre, kevbe avbe uhunmwu ẹvbo nibun ni deba ẹre.

Jọsua 10:11

Ehe ne iran na lẹ ne ivbiyokuo Izrẹl ni ghe odẹ Bẹt-horọn ya sẹ Azẹka, e Nọyaẹnmwa keghi filo okuta avannukhunmwu ke odukhunmwu rre yan iran, a keghi gbele iran an. Iran ne okuta avannukhunmwu gbele keghi bun sẹ iran ne ivbi Izrẹl gbele.

Arhie Maan 16:18

Ayan kegha yan rhai rhai, avan nukhunmwu kegha vannọ yan egbe, deba igbohiotọ ọhanabe. A ma he miẹn egbe igbohiotọ na ke ne a bu agbọn tua agbọn, ọnọna ọre ọ he re igbohiotọ ne ọ rhia sẹ ehia.

Arhie Maan 16:21

Okuta isan avan ẹrẹkhẹrẹ ne ọkpọkpa vbọ gha sẹ omwa uwan iyisẹn, kegha ke iso werriẹ gbe emwa. Emwa keghi ye ihẹn yan Osanobua rhunmwuda egboghogbogho isan avan nii, rhunmwuda ugborrirri wa gha nọ ighẹ nene egboghogbogho.

Arhie Maan 8:7

Odibosa ne okaro keghi kpe okpe ọghọe, erhẹn kevbe ẹyin ne a ya esagiẹn gua, keghi rhurhẹ yan otọ agbọn. Obọ ọkpa vbe a gha wa otọ agbọn ye ihe eha, keghi wa giẹn uan. Obọ ọkpa vbe a gha wa avbe erhan ye ihe eha, keghi vbe giẹn uan, ebe irunmwu hia ni rre oha na giẹn uan.