Ẹksọdọs 9:20 - Edo Bible (E Baibol Ẹdo) Version 1996

²⁰ Afianma keghi fian eso vbe uwu ekhaẹmwẹ ọba Igipt rhunmwuda ẹmwẹ ne Nọyaẹnmwa ta ẹe, iran na viọ eviẹn kevbe emwirri la owa.

Ẹksọdọs 9:20 ပူးပေါင်းရင်းမြစ်များ

Ẹksọdọs 7:23

Ọba keghi fi egbe werriẹ, ọ na gha rrie ẹguae ẹre vbe ne ọ na ma vbe zẹdẹ zẹ ye ona.

Ẹksọdọs 9:21

Sokpan eso vbọ ma zẹ ye ẹmwẹ ne Nọyaẹnmwa ta ẹe, iran na sẹ eviẹn kevbe emwirri iran rae ye adesẹ ore.

Ẹksọdọs 9:6

Vbe ikpẹdẹ ne ọ lele ẹe, e Nọyaẹnmwa keghi ru zẹ vbene ọ khare, emwirri ivbi Igipt hia keghi wulo, sokpan ne ọ wu vbe emwirri ivbi Izrẹl i rrọọ.

Itan 13:13

A gha bu ruẹ ude esi, u na fieghe uhunmwu yọ, orueghe ọre u gualọ, u gha ya ẹe ru emwi, u gha rrọọ vbe ai mwẹ ẹbe.

Itan 16:16

Ọ maa sẹ ukhukhu uri ukhukhu ọgban ne a gha mwẹ ẹwaẹn kevbe irẹnmwi sẹ ne a gha mwẹ igoru kevbe esiliva.

Itan 22:23

E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.