Ẹksọdọs 9:18 - Edo Bible (E Baibol Ẹdo) Version 1996

¹⁸ Danmwehọ, ẹghẹ na vbe ẹdẹnakhuẹ, I gha tue avan ne ukhunmwu ku otọ, egbe ne Igipt ma hiẹ miẹn ẹdẹ ke ne a ya bu ẹre.

Ẹksọdọs 9:18 ပူးပေါင်းရင်းမြစ်များ

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

I Ọba 20:6

Sokpan, banbanna nian, I gha gie emwa mwẹ bu ruẹ gha dee ne iran do gualọ ẹguae ruẹ, ne iran vbe viọ emwi hia ne iran ghi yayi ighẹ ọ maa vbọ. Iran gha sẹ evba vbe odẹ ẹghẹ na akhuẹ.”

II Ọba 7:1

Elaisia keghi wanniẹn wẹẹ, “Danmwehọ vbene e Nọyaẹnmwa kha hẹ: ‘Vbe odẹ ẹghẹ na akhuẹ, a gha dẹ adanna eha ọghe ọka ne ọ maa sẹ ra adanna ehan ọghe ọka irhuarhua vbe agiẹghẹ esiliva ọkpa.’ ”

II Ọba 7:18

Elaisia ta ẹe ma ọba wẹ vbe ẹghẹ nii vbe ẹdẹ ne ọ lele ẹe, a gha khiẹn adanna eha ọghe ọka ne ọ maa sẹ ra adanna ehan ọghe ọka irhuarhua agiẹghẹ esiliva ọkpa.

Job 37:13

Osanobua giẹ amẹ ne ọ do gbe khakha otọ, ọ sẹtin giee ne ọ do rri emwa oya, ra ne ọ do ru iran ẹse.

Job 38:22

“Wẹ he sẹ avbe aza ne I viọ esia kevbe amẹ ne ọ zeze yi ra?

Job 38:23

I viọ iran ye otọ khẹ ẹghẹ asobọyegbe, ẹdẹ igbinna kevbe okuo.

Psalm 83:15

Ya okpẹhoho ruẹ khulo iran kua ne u vbe ya ẹhoho ọbanabe ruẹ runran iran.

Ẹksọdọs 10:14

Iran ke wa vẹ gba otọe nii hia, iran na gha rre ẹvbo nii hia. Ọna ke gha re oghẹn irhiso ne ọ bun sẹẹ ne a he miẹn ra ne a ghẹ ghi miẹn.

Ẹksọdọs 10:6

Iran gha vuọn ẹguae ruẹ hia kevbe owa avbe ekhaẹmwẹ ruẹn kevbe emwa ruẹn hia, iran gha khọ sẹ emwikemwi ne avbe erha uwa he ka miẹn. Ọba keghi fi ọdelegbe, ọ na kpao.’ ”

Ẹksọdọs 11:6

Urhu eve ne ọ la gha gba otọ Igipt, egbe ne ọ ma he ka sunu ẹdẹ ra a ma wẹ a gha ye vbe họn egbe ọre ọvbehe.

Ẹksọdọs 9:17

Sevba te u ye hio ku emwa mwẹ, u ma gie iran kpao.

Arhie Maan 16:21

Okuta isan avan ẹrẹkhẹrẹ ne ọkpọkpa vbọ gha sẹ omwa uwan iyisẹn, kegha ke iso werriẹ gbe emwa. Emwa keghi ye ihẹn yan Osanobua rhunmwuda egboghogbogho isan avan nii, rhunmwuda ugborrirri wa gha nọ ighẹ nene egboghogbogho.