Ẹksọdọs 9:15 - Edo Bible (E Baibol Ẹdo) Version 1996

¹⁵ Akpawẹ te I ya obọ mwẹ mu emianmwẹ kuọ ruẹ kevbe emwa ruẹn, wa hia gha wulo nẹ.

Ẹksọdọs 9:15 ပူးပေါင်းရင်းမြစ်များ

II Samuẹl 7:23

Ẹvbo ọvbehe i rre otọ agbọn ne ọ ye vbe Izrẹl ne emwa ruẹn ne uwẹ miẹnfan hin ọviẹn ọmwa ne iran do gha re emwa ruẹn. U ya egbe ruẹ hin usi, u keghi ru emwi ni kpọlọ kevbe ni yunnuan ne iran, vbene u na khulo avbe agbọn ẹvbo kevbe avbe ẹbọ iran kua hin odaro emwa ruẹn rre, vbene iran ya nana sikẹ odaro. Emwa ne uwẹ faẹn vbe irri vbe Igipt ne iran do khian ọwuẹ.

I Ọba 13:34

Orukhọ ne ọ ru na ọre ọ silo ẹe ne ẹgbẹe ọre na fuan, ọ na wa gbe ẹro.

II Ọba 17:36

Wa ghi gha họn ẹmwẹ mẹ, mẹ ne Nọyaẹnmwa ne ọ viọ uwa ke Igipt ladian vbe iwegbe kevbe ẹtin nọkhua, mẹ ọre uwa gha ya uhunmwu kan otọ na, wa ghi vbe zọ ese ya ru mwẹ.

II Ọba 19:35

Ọ ghi sẹ akọn nii, odibo e Nọyaẹnmwa keghi la agọ ivbi e Siria, ọ na gbele ivbi iyokuo arriaisẹn isẹn yan iyihinrin (185,000). Ẹdẹ ghi gbe vbe ẹdẹ ne ọ lele ẹe, ehia keghi khian orinmwi.

Ẹksọdọs 14:28

Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Ẹksọdọs 9:3

I gha ya emianmwẹ dan ne I gha mu ku avbe emwirri ruẹ rri uwa oya; avbe ẹsin ruẹn, avbe ekẹtẹkẹtẹ ruẹ, ogologo, ẹmila, ohuan kevbe avbe ewe.

Ẹksọdọs 9:6

Vbe ikpẹdẹ ne ọ lele ẹe, e Nọyaẹnmwa keghi ru zẹ vbene ọ khare, emwirri ivbi Igipt hia keghi wulo, sokpan ne ọ wu vbe emwirri ivbi Izrẹl i rrọọ.

Itan 2:22

Sokpan, Osanobua gha sanmwẹ emwa dan hin otọe ni rre, ọ ghi vbọlọ avbe emwa orukhọ ladian vbọ, zẹ vbene a vbọlọ irunmwu hin otọe rre.