Ẹksọdọs 9:14 - Edo Bible (E Baibol Ẹdo) Version 1996

¹⁴ Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Ẹksọdọs 9:14 ပူးပေါင်းရင်းမြစ်များ

II Samuẹl 7:22

A miẹn vbe u kpọlọ hẹ Nọyaẹnmwa ne Udazi! Ọvbehe ne ọ yevbe ruẹ, ẹ i rrọọ, ma wa rẹn ke otọ gha dee ighẹ wẹ ọkpa ọrọre Osanobua.

I Ọba 8:38

u ghi danmwehọ erhunmwu iran. A deghẹ ọmwaikọmwa vbe uwu ivbi Izrẹl ne emwa ruẹn ighẹ emwi na ba so ẹe vbe ekhọe, iran na niẹn obọ da Ọgua Osa na na erhunmwu,

I Krọnikol 17:20

Nọyaẹnmwa, ọmwa ne ọ yevbe uwẹ i rrọọ. Ma wa rẹn ke otọe gha dee ighẹ wẹ ọkpa ọrọre Osanobua.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 8:6

Ẹre Errọn na niẹn ọkpọ ẹre da ehe ne amẹ ghi ye hia, ẹkirẹ keghi vẹ rre, iran na gba otọe nii.

Ẹksọdọs 9:15

Akpawẹ te I ya obọ mwẹ mu emianmwẹ kuọ ruẹ kevbe emwa ruẹn, wa hia gha wulo nẹ.

Aizaia 45:5

“Mẹ ọrọre Nọyaẹnmwa, osa ọvbehe irrọọ. I gha rhie ẹtin ne ọ khẹ kuẹ nuẹn, a gha rhe miẹn wẹ, u ma rẹn mwẹ.

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 19:8

I gha gie egbe ọkhọ vberriọ sunu vbe egbe ẹvbo na wẹ ọmwaikọmwa ne ọ rhirhi la ẹe gberra, orrirri ghi gbe ku ọre, ọ ghi yan ẹre unu uan.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:21

“A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Maika 6:13

Rhunmwuda ọnii, I suẹn a rẹnkhẹn uan kevbe ọfuan uwa nẹ, rhunmwuda orukhọ uwa.

Diuteronomi 3:24

‘E Nọyaẹnmwa ne Udazi, I rẹnrẹn wẹ omuhẹn emwi ọ yan unu uan nekhua ne u ra ru ọkpa ọ re u rhie maa mwẹ. Ẹbọ ọkpa i rre ẹrinmwi kevbe agbọn ne ọ gha sẹtin ru avbe emwi nekhua ne uwẹ ru!

Diuteronomi 4:35

E Nọyaẹnmwa rhie ọna ma uwa nẹ ne ọ ya rhie maa uwa wẹ rẹn ọkpa kẹkan ọrọre Osanobua, kevbe wẹ ọvbehe i rrọọ.

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”

Arhie Maan 22:18

Mẹ ne Jọn wa mobọ tama emwa hia ni họn ẹmwẹ akhasẹ ni rre ebe na, a deghẹ ọmwaikọmwa fian yọ, Nọyaẹnmwa gha vbe ya avbe egboghogbogho ne a guan kaẹn vbe ebe na do ye oya ne a gha rri ọre re.

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato: