Ẹksọdọs 8:28 - Edo Bible (E Baibol Ẹdo) Version 1996

²⁸ Ọba keghi kha wẹẹ, “I gha gie uwa ya zọ ese ghe Nọyaẹnmwa Osanobua rua vbe ato a deghẹ wa ma khian rrei gbe. Wa na erhunmwu mẹ.”

Ẹksọdọs 8:28 ပူးပေါင်းရင်းမြစ်များ

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

Ẹzra 6:10

Te a wẹ ne a ru ọna ne iran na gha zọ ese ne ọ gha yẹ Osanobua Ẹrinmwi, ne iran vbe na erhunmwu mẹ ne ọ fiangbe imẹ vbe emọ.

Ẹksọdọs 10:17

Banbanna nian, lahọ ya orukhọ mwẹ bọ mwẹ uhukpa na ne uwa na erhunmwu ghe Nọyaẹnmwa ne Osanobua uwa ne ọ mu irriaikhi ne ọ gbe ọmwa uhunmwu na hin mwẹ egbe rre.”

Ẹksọdọs 3:19

Sokpan I rẹnrẹn ighẹ ọba Igipt i ra gie uwa gha khian vbe ẹ i re te a ya obọ ne ọ tọn muẹn.

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:29

E Mosis keghi kha wẹẹ, “I gha wa da kpao, I gha na erhunmwu ghe Nọyaẹnmwa ne a miẹn wẹ akhuẹ, ikian gha sẹ uẹ rae, kevbe ekhaẹmwẹ ruẹn kevbe emwa ruẹn, sokpan ghẹ ghi dọlegbe hiẹ ima vbe ekpa ne u i na gie emwa nii ya zọ ese ghe Nọyaẹnmwa.”

Ẹksọdọs 8:8

Ọba keghi tie Mosis kevbe Errọn, ọna wẹẹ, “Wa na erhunmwu ghe Nọyaẹnmwa ne ọ viọ avbe ẹkirẹ hin imẹ kevbe emwa mwẹ egbe rre, I gha gie emwa uwa gha khian ne iran ya zọ ese ghe Nọyaẹnmwa.”

Ẹksọdọs 9:28

Na erhunmwu ghe Nọyaẹnmwa! Egbe avan ne ukhumwu kevbe ayan na wọ mwa. I yan ighẹ 1 gha gie uwa gha khian, wa i ghi khian mudia kpẹe sẹ ona.”

Asan-Ibo 6:10

Emwi hia ni sunu, ọ kpẹre ne a ghi mwamwa ẹn yotọ, ma tobọ mwa rẹnrẹn wẹ ọmwa i sẹtin gu ọmwa ne ọ wegbe sẹ ọre muan ẹmwẹ.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Hozia 10:2

Emwa ne ekhọe ẹre vuọn ne erẹrẹ, te iran ghi ra rrioya ye orukhọ ne iran ru. Osanobua gha guọghọ Ogiukpo iran an, ọ ghi dunmwu okuta ẹbọ iran an.

Iwinna 8:24

Saimọn tama Pita kevbe Jọn wẹẹ, “Lahọ wa rinmwian Nọyaẹnmwa mẹ ne emwi ne uwa tae na rhọkpa ghẹ sunu vbe egbe mwẹ.”