Ẹksọdọs 8:20 - Edo Bible (E Baibol Ẹdo) Version 1996

²⁰ E Nọyaẹnmwa keghi tama e Mosis wẹẹ, “Vbe owiẹ vbirrivbirri akhuẹ, u ghi ya vba ọba vbe ọ gha rrie ẹzẹ, ne u khama rẹn wẹẹ, ‘Ẹmwẹ ne Nọyaẹnmwa ta ẹe ọrọre wẹẹ, “Gie emwa mwẹ gha khian ne iran ya ga mwẹ.

Ẹksọdọs 8:20 ပူးပေါင်းရင်းမြစ်များ

Psalm 105:31

Osanobua guan rẹn, ikian kevbe ẹkhunkhun, keghi hihiẹ gba ehe hia vbe ẹvbo ni.

Psalm 78:45

Ọ gie ikian bu iran gha khian, iran keghi ya yan iran, kevbe ẹkirẹ ne ọ mu otọe iran rhia.

Ẹksọdọs 2:5

Ovbi ọba ne okhuo ke gha die ẹzẹ do khuẹ, avbe ọkpọmwa rẹn kegha lele ọkpẹn ẹzẹ khian. Rẹn keghi bẹghe okhuae nii vbe ọkpẹn ẹzẹ, ọ na gie ọviẹn ọnrẹn ne okhuo ne ọ ya muẹn rre.

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Ẹksọdọs 7:15

Bu ẹre gha khian vbe owiẹ vbe ọ gha rrie ẹzẹ Nail. U ghi diakhẹ ọre vbe ọkpẹn ẹzẹ. U ghi rhie ọkpọ ne ọ khian ẹyẹn nii mwẹ obọ.

Ẹksọdọs 8:1

Ẹre Nọyaẹnmwa na tama e Mosis wẹẹ, “Bu ọba gha khian ne u ya kha ma rẹn wẹẹ, ‘Vbe nian ọre Nọyaẹnmwa khare, “Gie emwa mwẹ gha khian ne iran ya ga mwẹ.

Ẹksọdọs 8:21

A deghẹ u ma gie emwa mwẹ gha khian, I yan ma ruẹn wẹ, I gha gie ikian rre ne iran vẹ rhu uẹ kevbe ekhaẹmwẹ ruẹn, avbe emwa ruẹn kevbe avbe owa ruẹ, owa ivbi Igipt hia ya sẹ egbe otọ ne iran viọ owẹ yi, gha vuọn ne ikian.

Ẹksọdọs 9:13

E Nọyaẹnmwa keghi tama e Mosis wẹẹ, “Vbe owiẹ fioo akhuẹ u ghi bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, gie ivbi Izrẹl gha khian ne iran ya ga mwẹ.