Ẹksọdọs 8:19 - Edo Bible (E Baibol Ẹdo) Version 1996

¹⁹ Avbe ọbo edunna keghi tama ọba wẹẹ, “Osanobua ọre ọ ru emwi na!” Sokpan ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:19 ပူးပေါင်းရင်းမြစ်များ

Gẹnẹsis 41:24

Avbe osuọka ne hiahiahia nii keghi minọ avbe ne dẹudẹu re. I ta imina na ma avbe ọbo edunna, sokpan, a ma miẹn ne ọ sẹtin rhan otọ ẹnrẹn ma mwẹ.”

Psalm 8:3

Mẹ gha ghe iso ne uwẹ yi, avbe uki kevbe orhọnmwẹ ne uwẹ viọ ye ihe iran.

Ẹksọdọs 10:23

Ivbi Igipt i ghi sẹtin dẹghe egbe. Ne ọ vbe kpao vbe owa ẹre rre vbe ikpẹdẹ eha ẹi rrọ, sokpan uwanmwẹ ke gha rre ehe ne ivbi Izrẹl ye hia.

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 11:7

Sokpan vbe ehe ne avbe ivbi Izrẹl ye, ekita i ra gbọ ọmwa ra emwirri rhọkpa vbọ, ne uwa miẹn ehe na rẹn wẹ e Nọyaẹnmwa rhie alughaẹn ye ẹkpo ivbi Igipt kevbe ivbi Izrẹl.’ ”

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Ẹksọdọs 7:5

Ivbi Igipt gha rẹn wẹ mẹ ọrọre Nọyaẹnmwa vbe ẹghẹ ne I gha na kpa obọ mwẹ fi iran emwi, I ghi vbe viọ ivbi Izrẹl hin otọ iran rre.”

Ẹksọdọs 9:26

Ikinkin e Gosiẹn, ehe ne avbe ivbi Izrẹl ye ọkpa ọre a ma na họn ẹmwẹ avan ne ukhunmwu.

Ẹksọdọs 9:4

I gha rhie alughaẹn ye ẹkpo emwirri ivbi Izrẹl kevbe emwirri ivbi Igipt. Ọkpa i ra wu vbe uwu emwirri ivbi Izrẹl.” ’ ”

Daniẹl 2:19

Vbe Asọn nii zẹẹ, a keghi ta imina nii ma e Daniẹl vbe aro umian, rẹn keghi rho Osanobua ẹrinmwi:

Matiu 12:28

Sokpan Orhiọn Osanobua ọre ọ rhie asẹ mẹ ne I ya gha khulo orhiọn esu ladian, ọ ni rhie ma nian ighe Arriọba Osanobua rre ke uwa yi nẹ.

Iyẹn ne ọ Maan Ọghe Luk 11:20

Ugbẹn vbe a ghi miẹn nian ighe ẹtin Osanobua ọre I ya khulo avbe orhiọn esu ladian, ọnii rhie maa ighe Arriọba Osanobua hu uwa rre nẹ.

Iyẹn ne ọ Maan Ọghe Jọn 11:47

Rhunmwuda ọnii, avbe Farisi kevbe avbe igie ohẹn keghi ya gu Eghaẹvbo do iko iran wẹ, “Vbe a gha khian emwi na hẹ yi, wa ma miẹn vbe oko na winna iwinna ọyunnuan ni bun hẹe!

Iwinna 4:16

Iran nọ egbe iran wẹẹ, “Vbe a ra ru emwi na hẹ yi? Emwa ni rre Jerusalẹm hia rẹnrẹn ighẹ iran ọre ọ winna iwinna ọyunnuan na, ẹ i gia muan hiehie.

I Samuẹl 6:3

Iran keghi wanniẹn wẹẹ, “A deghẹ wa mu Ẹkpẹti Ile ọghe Osanobua Izrẹl werriegbe, te uwa gha viọ emwi izẹọhẹ lele ẹe ne uwa ya ha osa orukhọ uwa. A ghẹ gie Ẹkpẹti Ile nii werriegbe vbe ne a ma na viọ emwi izẹ ọhẹ lele ẹe, vbenian ọre a gha na mu uwa egbe rran, wa ghi do rẹn emwi ne ọ si ẹe ne ọ na gha mianmwẹ uwa ke ẹghẹ ni gha dee.”

I Samuẹl 6:9

Wa ghi gha ghe ẹre vbe ọ khian. Ọ gha laghe odẹ Bẹt Siemẹs, ọ rhie maa wẹ Osanobua ọghe ivbi Izrẹl ọ re ọ gie avbe emwi ni wegbe na rruan uwa, sokpan, a deghẹ ọ ma ru vberriọ, a ghi rẹn wẹ ẹ i re irẹn ọ re ọ gie emianmwẹ ni rre, vbene emwi defi nọ.”