Ẹksọdọs 8:15 - Edo Bible (E Baibol Ẹdo) Version 1996

¹⁵ Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:15 ပူးပေါင်းရင်းမြစ်များ

Ẹksọdọs 14:5

Ugbẹn vbe a ghi khama ọba Igipt wẹ emwa nii lẹ kua, ke irẹn kevbe avbe ekhaẹmwẹ ọnrẹn keghi fi ekhọe werriẹ vbe ekpa iran, iran keghi kha wẹẹ, “Vbe ọna khun emwi ne ima ru na yi? Ma gie ivbi Izrẹl lẹ kua hin ehe ọviẹn ne iran ye ne ima rre!”

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Ẹksọdọs 8:14

Ivbi Igipt keghi silo ehia gboo ogege, ẹwia ẹre keghi gba ẹvbo nii hia.

Ẹksọdọs 8:16

E Nọyaẹnmwa keghi tama e Mosis wẹẹ, “Tama Errọn wẹẹ, ‘Ya ọkpọ ruẹ fi otọ emwi, ebubẹ gha khian ẹkhunkhun vbe otọ Igipt hia.’ ”

Ẹksọdọs 8:28

Ọba keghi kha wẹẹ, “I gha gie uwa ya zọ ese ghe Nọyaẹnmwa Osanobua rua vbe ato a deghẹ wa ma khian rrei gbe. Wa na erhunmwu mẹ.”

Ẹksọdọs 8:29

E Mosis keghi kha wẹẹ, “I gha wa da kpao, I gha na erhunmwu ghe Nọyaẹnmwa ne a miẹn wẹ akhuẹ, ikian gha sẹ uẹ rae, kevbe ekhaẹmwẹ ruẹn kevbe emwa ruẹn, sokpan ghẹ ghi dọlegbe hiẹ ima vbe ekpa ne u i na gie emwa nii ya zọ ese ghe Nọyaẹnmwa.”

Ẹksọdọs 8:32

Uhin ye vbe do sẹ egbe ona, te ọba ye dọlegbe yin ehọ, ọ ma gie emwa nii kpao.

Ẹksọdọs 8:8

Ọba keghi tie Mosis kevbe Errọn, ọna wẹẹ, “Wa na erhunmwu ghe Nọyaẹnmwa ne ọ viọ avbe ẹkirẹ hin imẹ kevbe emwa mwẹ egbe rre, I gha gie emwa uwa gha khian ne iran ya zọ ese ghe Nọyaẹnmwa.”

Itan 26:11

Ọzuọ ne ọ yin uyinmwẹ okpa yan egbe ukpogieva, te ọ yevbe ekita ne ọ vbe rri ekpa ne ọ kpae.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Aizaia 26:10

A gha rhe miẹn wẹ u tohan emwa dan iran i ye ruẹ vbene a ru emwi ẹse he uhin vbe ẹvbo ẹmwata ne a ye vbe emwa na te iran ye ru emwi dan. Iran ma ho ne iran miẹn ukpọlọmwẹ ruẹn kue.

Hozia 6:4

Sokpan, e Nọyaẹnmwa khare wẹẹ, “Izrẹl kevbe Juda, vbe I a ra ya uwa ru? Ahoẹmwọmwa uwa ghe mwẹ, vbene a zẹgiẹgiẹ ho evbu owiẹ bẹkun, te ọ yevbe evbu ne a zẹgiẹgiẹ ho kẹbun vbe owiẹ.

Hibru 3:15

Ẹmwẹ ne ebe tae ọna khin, “Wa gha họn urhu Osanobua ẹre na, wa ghẹ ze vbe udu vbene uwa ka ru ẹghẹ ne uwa na sọtẹ Osanobua.”

Hibru 3:8

Wa ghẹ ze vbe udu, vbe ne uwa ka ru ẹghẹ ne uwa na sọtẹ Osanobua, vbene uwa gha ye vbe uwu ato ẹkporriọ ne uwa na gha danmwẹ ọẹn ghe.”

Arhie Maan 16:9

Owowo ọhanabe ni kegha giẹn emwa uan, iran keghi ya ẹbọ yan eni Osanobua ọmwa ne ọ mwẹ asẹ vbe uhunmwu avbe egboghogbogho na hia, sokpan iran ma zobọ vbe orukhọ, ne iran rhie urhomwẹ ne ukpọlọmwẹ ọnrẹn.

I Samuẹl 6:12

Avbe ẹmila nii keghi suẹn okhian ghe odẹ Bẹt Siemẹs, iran na wa gha rrie evba taara vbene iran ma na vbe zẹdẹ lahin urodẹ rre hiehiere. Iran kegha tu vbene iran wa ya khian nii. Enigie Filistin isẹn nii keghi lele iran sẹ uwu Bẹt Siemẹs.

I Samuẹl 6:3

Iran keghi wanniẹn wẹẹ, “A deghẹ wa mu Ẹkpẹti Ile ọghe Osanobua Izrẹl werriegbe, te uwa gha viọ emwi izẹọhẹ lele ẹe ne uwa ya ha osa orukhọ uwa. A ghẹ gie Ẹkpẹti Ile nii werriegbe vbe ne a ma na viọ emwi izẹ ọhẹ lele ẹe, vbenian ọre a gha na mu uwa egbe rran, wa ghi do rẹn emwi ne ọ si ẹe ne ọ na gha mianmwẹ uwa ke ẹghẹ ni gha dee.”

I Samuẹl 6:6

Vbọzẹ ne uwa gha na ze vbe ẹkoko udu zẹ vbe ne ọba Igipt, kevbe emwa Igipt ye? Yerre vbene Osanobua zuọzuọ iran hẹ, iran te do gie ivbi Izrẹl kpa vbe Igipt rre.

I Samuẹl 6:9

Wa ghi gha ghe ẹre vbe ọ khian. Ọ gha laghe odẹ Bẹt Siemẹs, ọ rhie maa wẹ Osanobua ọghe ivbi Izrẹl ọ re ọ gie avbe emwi ni wegbe na rruan uwa, sokpan, a deghẹ ọ ma ru vberriọ, a ghi rẹn wẹ ẹ i re irẹn ọ re ọ gie emianmwẹ ni rre, vbene emwi defi nọ.”