Ẹksọdọs 7:22 - Edo Bible (E Baibol Ẹdo) Version 1996

²² Ẹre ọbo edunna ọghe ọba na vbe ya ẹbo edunna ru ẹe, ọba keghi dọlegbe yin ehọ sayọ. Ọ ma zẹdẹ zẹye Mosis kevbe Errọn re zẹ vbe ne Nọyaẹnmwa kha re

Ẹksọdọs 7:22 ပူးပေါင်းရင်းမြစ်များ

Gẹnẹsis 41:8

Owiẹ ghi rre, ekhọe ẹre hia keghi rhia, ẹre ọ na gie ne a tie avbe ọbo edunna kevbe umẹwaẹn ni rre Igipt hia. Ọ keghi ta imina rẹn ma iran, sokpan a ma miẹn ne ọ sẹtin rhan otọ ẹre na ẹn.

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Ẹksọdọs 7:21

Avbe ehẹn ni rre ẹzẹ keghi wulo, ọ keghi gha wia sẹ vberriọ ne amẹ ọnrẹn ma na gie ivbi Igipt wọn. Esagiẹn keghi gba Igipt hia.

Ẹksọdọs 7:23

Ọba keghi fi egbe werriẹ, ọ na gha rrie ẹguae ẹre vbe ne ọ na ma vbe zẹdẹ zẹ ye ona.

Jerimaia 27:18

Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.