Ẹksọdọs 7:20 - Edo Bible (E Baibol Ẹdo) Version 1996

²⁰ E Mosis kevbe Errọn keghi ru zẹ vbene Nọyaẹnmwa tama iran. Vbe odaro ọba kevbe ekhaẹmwẹ ọnrẹn, Errọn keghi tọn ọkpọ ẹre mu, ọ na ya fi ẹzẹ emwi. Amẹ ne ọ rrọọ hia keghi khian esagiẹn.

Ẹksọdọs 7:20 ပူးပေါင်းရင်းမြစ်များ

II Ọba 4:29

Elaisia keghi mu aro da Gehazi ọ wẹẹ, “Ẹgiẹgiẹ! Rhie ọkpọ mwẹ ne u gha khian. Ghẹ mudia tuẹ ọmwa ne u vba vbe odẹ, a deghẹ emwa vbe tuọ, ghẹ mudia miẹn ẹre otuẹ. Wa la uwu owa nii gha khian ne u ya da ọkpọ mwẹ yi yan ọmọ okpia nii.”

Psalm 105:29

Ọ ye ẹzẹ iran khian esagiẹn, ọ keghi gbele ehẹn ni rrọ hia.

Psalm 78:44

Ọ fi ẹzẹ werriẹ khian esagiẹn, avbe ivbi Igipt ma ghi miẹn amẹ wọn.

Ẹksọdọs 4:9

A deghẹ ama eva na ma ye sẹtin ye iran yayi, ighẹ iran ma rhie ehọ nuẹn ta yi, u ghi sa amẹ vbe ẹzẹ Nail, u ghi rhurhẹ ọe ye otọ ne ọ kae, amẹ nii gha khian esagiẹn.”

Ẹksọdọs 7:10

E Mosis kevbe Errọn keghi bu ọba, iran na ru vbene e Nọyaẹnmwa tama iran. Errọn keghi fi ọkpọ ne ọ ya tua otọ fi otọ vbe odaro ọba kevbe emwa iwinna rẹn, ọ keghi fiwerriẹ khian ẹyẹn.

Ẹksọdọs 7:21

Avbe ehẹn ni rre ẹzẹ keghi wulo, ọ keghi gha wia sẹ vberriọ ne amẹ ọnrẹn ma na gie ivbi Igipt wọn. Esagiẹn keghi gba Igipt hia.

Ẹksọdọs 7:6

E Mosis kevbe Errọn keghi ru vbene Nọyaẹnmwa yi iyi ma iran.

Habakọk 3:8

Avbe ẹzẹ ọ re ọ ya ohu mu ẹẹn ra Nọyaẹnmwa? Avbe okun ọ re ọ gie ohu kakabọ mu ẹẹn ra? Uhunmwu okuku amẹ ọ re uwẹ hin la khian; okuku amẹ okpẹhoho ọrọre ikẹkẹ okuo ruẹ, u keghi rhie akhọnmiotọ gie emwa ruẹn.

Arhie Maan 8:8

Odibosa ne ogieva keghi vbe fian okpe ọghọe re. Emwi ọkpa ne ọ ye vbe oke ne ọ yo ne ovbe zẹ ogidi erhẹn, iran keghi rrua ẹre fi uwu okun. A keghi wa ya obọ ọkpa vbe a wa okun ye ihe eha khian esagiẹn.