Ẹksọdọs 7:2 - Edo Bible (E Baibol Ẹdo) Version 1996

² Emwi ne 1 mẹ rhirhi yi ẹre iyi nuẹn, u ghi tama Errọn, rẹn ghi tama ọba ọghe Igipt ne ọ gie ivbi Izrẹl kpao hin ẹvbo ẹre rre.

Ẹksọdọs 7:2 ပူးပေါင်းရင်းမြစ်များ

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Ẹksọdọs 4:16

Rẹn gha sẹtin gha gu avbe emwa nii guan nuẹn, rẹn ọre ọ khian gha re ne ọ guan nuẹn, wẹ ghi do yevbe Osanobua ne ọ gha tama rẹn ẹmwẹ ne ọ gha ta.

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 6:29

Ọ tama rẹn wẹẹ, “Mẹ ọrọre Nọyaẹnmwa, tama ọha ọghe Igipt ẹmwẹ ne I tama ruẹn hia.”

Ẹksọdọs 7:6

E Mosis kevbe Errọn keghi ru vbene Nọyaẹnmwa yi iyi ma iran.

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Ezikiẹl 3:10

Osanobua ke rhie bare wẹẹ, “Ovbi ọmwa, gbe ehọ kotọ ẹsẹse ne u ye ẹmwẹ hia ne I tama ruẹn rre.

Ezikiẹl 3:17

“Ovbi ọmwa, I ra ya a ru abodẹ ne Izrẹl. U ghi tama iran emwi ne I ya bu iran ude khẹ ọ dee.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.