Ẹksọdọs 7:17 - Edo Bible (E Baibol Ẹdo) Version 1996

¹⁷ Enian ọre Nọyaẹnmwa khare nian, ‘Emwi ne I ra ru na gha rhie ma ruẹn wẹ mẹ ọrọre Nọyaẹnmwa. Ghe ẹre, I ra ya ọkpọ na fi ẹzẹ emwi, ọ ghi khian esagiẹn.

Ẹksọdọs 7:17 ပူးပေါင်းရင်းမြစ်များ

I Ọba 20:28

Akhasẹ ọkpa keghi bu Ehab ne ọba gha khian, ọ tama rẹn wẹẹ, “Vbenian ọ re Nọyaẹnmwa khare: Rhunmwuda ne ivbi e Siria na kha wẹ, Osanobua uhunmwu oke ọre imẹ khin ighẹ me ẹ i re Osanobua otọ kẹkan, I gha rhie ẹtin ne uẹn ya khọnmiotọ vbe uhunmwu ivbi iyokuo ẹre ne ọrhiẹnrhiẹn biẹnrhẹn, ẹghẹ nii, wẹ kevbe emwa ruẹn gha rẹn ighẹ mẹ ọrọre Nọyaẹnmwa!”

II Ọba 19:19

Banbanna nian, e Nọyaẹnmwa ne Osanobua mwa, miẹn ima fan hin obọ ivbi Asiria rre. Ne uhunmwu otọ agbọn hia miẹn ehe na rẹn ighẹ wẹ okpa, e Nọyaẹnmwa ọ re ọ gele re Osanobua.”

Psalm 105:29

Ọ ye ẹzẹ iran khian esagiẹn, ọ keghi gbele ehẹn ni rrọ hia.

Psalm 78:44

Ọ fi ẹzẹ werriẹ khian esagiẹn, avbe ivbi Igipt ma ghi miẹn amẹ wọn.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 4:9

A deghẹ ama eva na ma ye sẹtin ye iran yayi, ighẹ iran ma rhie ehọ nuẹn ta yi, u ghi sa amẹ vbe ẹzẹ Nail, u ghi rhurhẹ ọe ye otọ ne ọ kae, amẹ nii gha khian esagiẹn.”

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ẹksọdọs 7:20

E Mosis kevbe Errọn keghi ru zẹ vbene Nọyaẹnmwa tama iran. Vbe odaro ọba kevbe ekhaẹmwẹ ọnrẹn, Errọn keghi tọn ọkpọ ẹre mu, ọ na ya fi ẹzẹ emwi. Amẹ ne ọ rrọọ hia keghi khian esagiẹn.

Ẹksọdọs 7:5

Ivbi Igipt gha rẹn wẹ mẹ ọrọre Nọyaẹnmwa vbe ẹghẹ ne I gha na kpa obọ mwẹ fi iran emwi, I ghi vbe viọ ivbi Izrẹl hin otọ iran rre.”

Ezikiẹl 25:17

I gha rria iran ikhi. Iran gha họn ẹmwẹ ohu mwẹ vbe egbe. Ẹghẹ nii, iran gha rẹn ighẹ mẹ ọrọre Nọyaẹnmwa.”

Ezikiẹl 29:9

Igipt gha khian, otọe ne ọ la ọrhiae rrie. Ẹghẹ nii, wa gha rẹn ighe mẹ ọrọre Nọyaẹnmwa. “Rhunmwuda ne u na kha ighe ọwuẹ ọ re e Naẹl khin ighe wẹ ọre ọ yii ẹe.

Ezikiẹl 30:19

I gha rri Igipt oya nẹ vbenian, iran gha rẹn ighe mẹ ọrọre Nọyaẹnmwa.”

Ezikiẹl 30:8

I gha ghi mu erhẹn ye Igipt nẹ, ighe a ghi gbele iran ni khọn ne ẹẹn fo nẹ, ẹghẹ nii, iran gha rẹn wẹ mẹ ọrọre Nọyaẹnmwa.

Ezikiẹl 32:15

I gha ya Igipt khian otọe ne ọ gbe ẹvbi nẹ, I na vbe fuẹn avbe emwa ni rre evba hia, iran gha rẹn ighe mẹ ọrọre Nọyaẹnmwa.

Ezikiẹl 32:6

I gha tue esagiẹn ruẹn kua, ọ te do ya gba avbe oke kevbe ẹzẹ.

Ezikiẹl 38:23

Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”

Ezikiẹl 39:28

Ẹghẹ nii, avbe emwa mwẹ ghi do rẹn wẹ mẹ ọrọre Nọyaẹnmwa ne Osanobua iran. Iran gha rẹn ọna rhunmwuda, mẹ ọ re ọ viọ iran gha rrie iwe, eban nian, I keghi vbe si iran koko, I na viọ iran dọlegbe gha die otọ iran vbe ne a i na sẹ ọkpa kẹkan vbe uwu iran rae ye odieke.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Arhie Maan 11:6

Iran mwẹ asẹ ne iran gha ya khui iso, ne amẹ ghẹ rhọ vbe uwu ẹghẹ ne iran ya kpe orhu ẹmwẹ Osanobua. Debare, iran vbe mwẹ asẹ vbe uhunmwu avbe uhunmwu ẹzẹ, ne iran ya fi iran werriẹ khian esagiẹn, iran vbe mwẹ asẹ ne iran ya si egboghogbogho fi agbọn inugba ne ọ rhirhi khọn iran.

Arhie Maan 8:8

Odibosa ne ogieva keghi vbe fian okpe ọghọe re. Emwi ọkpa ne ọ ye vbe oke ne ọ yo ne ovbe zẹ ogidi erhẹn, iran keghi rrua ẹre fi uwu okun. A keghi wa ya obọ ọkpa vbe a wa okun ye ihe eha khian esagiẹn.